ມູຮຳເໝັດ ເມຊິກ ທະນາຍຄວາມຊາວບັອສເນຍ ອາຍຸ 32ປີ ເປັນຜູ້ໜຶ່ງທີ່ມີຄວາມອັດສະລິະທາງພາສາກາຍເປັນທີ່ສົນໃຈຂອງນັກວິທະຍາສາດທົ່ວໂລກ ສາມາດເວົ້າໄດ້ຢ່າງໜ້ອຍ 56ພາສາ ແລະຟັງເຂົ້າໃຈກວ່າ 70 ພາສາທົ່ວໂລກ ຕັ້ງແຕ່ອາຍຸ 26ປີ. ເມຊິກກ່າວວ່າ ຄວາມສາມາດຂອງລາວສ່ອງແວວຂຶ້ນເມື່ອ ອາຍຸ 5ປີ ເມື່ອຄອບຄົວພາໄປທ່ຽວເກຣັກ ແລະ ເລີ່ມຊຶມຊັບພາສາເກຣັກຜ່ານຊາວເກຣັກທີ່ໂອ້ລົມກັນ ຈົນສາມາດເຂົ້າໃຈພາສາເກຣັກໄດ້ຕັ້ງແຕ່ຕອນນັ້ນ ຊ້ຳຍັງຊ່ວຍພໍ່ແມ່ສື່ສານກັບຊາວທ້ອງຖິ່ນໃຫ້ແປງລົດຊ່ວຍຄອບຄົວ ຈົນພໍ່ແມ່ລາວເອງກໍຕົກໃຈ. ເມື່ອອາຍຸ 9ປີ ລາວເລີ່ມຮຽນຮູ້ພາສາສະວີເດັນຈາກທະຫານທີ່ເຂົ້າມາປະຈຳການຢູ່ທີ່ເມືອງຂອງລາວອາໄສຢູ່ໃນໄລຍະສົງຄາມກາງເມືອງ ແລະພາສາອື່ນໆລາວກໍສາມາດເຂົ້າໃຈໄດ້ຢ່າງງ່າຍດາຍ. ພໍ່ແມ່ຂອງເມຊິກເປັນກັງວົນກ່ຽວກັບຄວາມຜິດປົກກະຕິຂອງລູກຊາຍຈົນໄດ້ພາໄປພົບແພດຈິ່ງໄດ້ຮູ້ວ່າ ລາວເປັນໂລກອໍທິສຕິກອີກປະເພດໜຶ່ງ ເອີ້ນວ່າ Asperager’s Syndrome ຫຼືພາສາຊາວບ້ານເອີ້ນວ່າໂລກນັກປາດ, ໂລກອັດສະລິຍະນັ້ນເອງ. ປັດຈຸບັນ ມູຮຳເໝັດ ເມຊິກ ໃຊ້ຊີວິດຫຼາຍກວ່າ 200ວັນຕໍ່ປີໃນເຮືອບິນ ເພື່ອເດີນທາງໄປບັນຍາຍ ແລະຈັດສຳມະນາໂດຍການໃຊ້ພາສາທີ່ລາວເວົ້າໄດ້ ບໍ່ພຽງແຕ່ພາສາຫຼັກຂອງໂລກ ເຊັ່ນ ອັງກິດ, ປັອກຕຸຍການ, ຍີ່ປຸ່ນ, ຈໍເຈຍ ແຕ່ຍັງສາມາດໃຊ້ພາສາພື້ນເມືອງຂອງຄົນຊົນເຜົ່າໄດ້ອີກ. ນີ້ຄືຄວາມອັດສະລິຍະທາງພາສາ ເປັນອີກໜຶ່ງເລື່ອງລາວທີ່ຢືນຢັນໄດ້ວ່າມະນຸດມີພະລັງແຝງຢູ່ໃນຕົວໄດ້ຫຼາຍກວ່າທີ່ຄິດ.
ທີ່ມາຈາກ: http://www.catdumb.com/ ແລະ https://unader.com
ຕິດຕາມຂ່າວເສດຖະກິດລາວ ກົດໄລຄ໌ເລີຍ!