ຂປລ. ຫວ່າງບໍ່ດົນມານີ້ ທ່ານ ພັອ ພູວັນ ນາຊຽງຄໍາ ຫົວໜ້າກອງບັນຊາປ້ອງກັນຄວາມ ແຂວງສາລະວັນ ກ່າວໃນກອງປະຊຸມ 4 ແຂວງພາກໃຕ້ 1 ກອງພົນວ່າ: 1 ປີຜ່ານມາ ສາມາດແກ້ໄຂ ແລະ ມ້າງລາຍຄະດີຢາເສບຕິດ ໄດ້ທັງໜົດ 125 ລາຍ, ມີຜູ້ຖືກຫາ 167 ຄົນ, ຢຶດຂອງກາງປະເພດຢາບ້າໄດ້ 31.407 ເມັດ, ເດັ່ນກວ່າໜູ່ໃນຮອບປີ ແມ່ນການມ້າງຄະດີລາຍໃຫຍ່ 3 ປະເພດເຊັ່ນ: ຄະດີມີການ ປອມແປງລາຍເຊັ່ນ ແລະ ເອກະສານ, ການຄ້າອາວຸດຢູ່ເມືອງລະຄອນເພັງ,  ການແກ້ໄຂ ແລະ ມ້າງຄະດີຢາເສບຕິດ ທີ່ກ່ຽວພັນກັບພະແນກຕ້ານ ແລະ ສະກັດກັ້ນຢາເສບຕິດຂອງແຂວງ ແລະ ບັນດາລາຍຄະ ດີຕ່າງໆ ຂອງກຸ່ມຄົນບໍ່ດີ ສ້າງຂຶ້ນກໍຖືກເຈົ້າໜ້າ ຂອງປະຊາຊົນທັບມ້າງຢ່າງທັນເວລາ ເພື່ອແນໃສ່ເຮັດໃຫ້ ແຂວງສາລະວັນ ມີຄວາມ ສະຫງົບ ຄວາມເປັນລະບຽບຮຽບຮ້ອຍ ໃນສັງຄົມດີຂື້ນ ກວ່າເກົ່າ, ສໍາລັບທິດ ທາງແຜນການຕໍ່ໜ້າ ຄະນະພັກຄະນະບັນຊາກອງ ບັນຊາການປ້ອງກັນ ຄວາມສະຫງົບ ແຂວງສາລະວັນ ຈະໄດ້ເອົາໃຈໃສ່ເຮັດໜ້າທີ່ ວຽກງານວິຊາສະເພາະ, ຊີ້ນໍາ-ນໍາພາພະນັກງານ ໃຫ້ມີຄວາມສາມັກຄີ ຢ່າງແໜ້ນແຟ້ນ, ຍົກສູງຄວາມຮັບຜິດຊອບຕໍ່ວຽກງານ, ການຫັນເອົາພະນັກງານຂອງຕົນ ລົງສູ່ຮາກຖານຕາມ 4 ເນື້ອໃນ 4 ຄາດໜາຍ ຂອງກົມການເມືອງສູນກາງພັກ ແລະ ຕາມທິດຊີ້ນໍາຂອງອົງຄະນະພັກ ກະຊວງປ້ອງກັນຄວາມສະຫງົບ ແລະ ທ້ອງຖິ່ນວາງອອກຢ່າງເຂັ້ມງວດ, ເອົາໃຈໃສ່ກໍ່ສ້າງ ແລະ ປັບປຸງກໍາລັງປ້ອງກັນຄວາມສະຫງົບ ບໍລິການປະຊາຊົນ, ປ້ອງກັນຄວາມສະຫງົບບ້ານ ໃຫ້ມີຄວາມໜັກແໜ້ນ ເຂັ້ມແຂງທາງດ້ານການເມືອງ-ການຈັດ ຕັ້ງ, ຕັ້ງໜ້າປັບປຸງຕາໜ່າງ ວິຊາສະເພາະ ເພື່ອເຮັດໃຫ້ວຽກງານ ປ້ອງກັນຄວາມສະຫງົບເຂົ້າສູ່ລະບົບລະບຽບ, ສ້າງໃຫ້ແຂວງມີຄວາມສະຫງົບ ປອດໄພ, ປະຊາຊົນ ມີຄວາມ ສະດວກ ໃນການທໍາມາຫາກິນ ເຮັດໃຫ້ຊີວິດການເປັນຢູ່ ຂອງເຂົາເຈົ້າມີການຂະຫຍາຍຕົວຢ່າງບໍ່ຢຸດຢັ້ງ.

ຂ່າວຈາກ: http://kpl.gov.la/detail.aspx?id=20619

ຕິດຕາມຂ່າວເສດຖະກິດລາວ ກົດໄລຄ໌ເລີຍ!