ທາງການຣັດເຊຍໄຫວ້ອາໄລເຮືອບິນຕົກດັບຍົກລໍາ ຕັ້ງ 2 ປະເດັນສາເຫດ ລັດຖະມົນຕີຄົມມະນາຄົມປັດກໍ່ການຮ້າຍ.
ອີງຕາມສໍານັກຂ່າວຕ່າງປະເທດລາຍງານວັນທີ 26 ທັນວາ ທີ່ຜ່ານມາວ່າ: ຣັດເຊຍຈັດໄຫວ້ອາໄລເຫດເຮືອບິນຕົກ 1 ວັນ ຫຼັງເຮືອບິນທະຫານຣັດເຊຍຕົກໃນທະເລດໍາ ຂະນະເດີນທາງໄປຍັງຊີເຣຍ ເປັນເຫດໃຫ້ຜູ້ໂດຍສານ ແລະລູກເຮືອລວມ 92 ຄົນ ເສຍຊີວິດຍົກລໍາ ແລະເຈົ້າໜ້າທີ່ກໍາລັງເລັ່ງຂະຫຍາຍການຄົ້ນຫາຮ່າງຜູ້ເສຍຊີວິດ ກູ້ຊາກເຮືອບິນ ລວມເຖິງຄົ້ນຫາກ໋ອງດໍາພ້ອມກັນ ທີ່ສະໜາມບິນນານາຊາດໂຊຊິ ສະໜາມບິນທາງຕອນໃຕ້ ທີ່ເຮືອບິນຖ້ຽວບິນ TU-154 ທະຍານອອກກ່ອນປະສົບອຸບັດຕິເຫດ ມີການຫຼຸດທຸງຊາດເຄິ່ງເສົາ ເພື່ອໄຫວ້ອາໄລຕໍ່ຜູ້ເສຍຊີວິດທັງໝົດ.
ແມັກຊິມ ໂຊໂຄໂລຟ ລັດຖະມົນຕີວ່າການກະຊວງຄົມມະນາຄົມຂອງຣັດເຊຍ ກ່າວວ່າ ນັກບິນເກີດການຜິດພາດ ຫຼືລະບົບເຄື່ອງຂັດຂ້ອງ ຊຶ່ງພໍຈະຊີ້ແຈງໂຄສະນາກໍາຄັ້ງນີ້ໄດ້ຫຼາຍທີ່ສຸດ ແຕ່ຍັງບໍ່ມີຄວາມເຫັນກ່ຽວກັບການກໍ່ການຮ້າຍ ດັງນັ້ນ ການເຮັດວຽກຢູ່ເທິງການສັນນິຖານວ່າ ເປັນຄວາມຜິດພາດຂອງນັກບິນ ຫຼືລະບົບເຄື່ອງຍົນຂັດຂ້ອງ.