- ສາລີອຸດົມໄປດ້ວຍສານຕ້ານອະນຸມຸນອິດສະລະ ຊ່ວຍເບິ່ງແຍງຜິວພັນບໍ່ໃຫ້ຫ່ຽວແຫ້ງກ່ອນໄວ
- ມີລິດຊ່ວຍຕໍ່ຕ້ານມະເຮັງໄດ້ຢ່າງມີປະສິດທິພາບ ສາລີມີຄວາມສາມາດໃນການສ້າງສານໂຣດອະຊິນ ຊຶ່ງມີບົດບາດສໍາຄັນທີ່ຈະຊ່ວຍຕໍ່ຕ້ານອະນຸມຸນອິດສະລະໄດ້ດີ ຈຶ່ງຫຼຸດຄວາມສ່ຽງຈະເກີດເປັນມະເຮັງໄດ້ເຊັ່ນ: ມະເຮັງປອດ, ມະເຮັງໃນກະເພາະອາຫານ ຫຼືມະເຮັງລໍາໄສ້ໃຫຍ່
- ມີສັບພະຄຸນຊ່ວຍໃຫ້ລະບົບຍ່ອຍອາຫານທໍາງານດີຂຶ້ນ ເນື່ອງສາລີມີເສັ້ນໃຍອາຫານໃນປະລິມານຫຼາຍ ຊຶ່ງເປັນຊະນິດທີ່ບໍ່ລະລາຍໃນນໍ້າ ເຮັດໃຫ້ດູດຊຶມນໍ້າໄດ້ດີສົ່ງຜົນໃຫ້ບໍ່ມີປັນຫາໃນການຂັບຖ່າຍ
- ມີປະໂຫຍດຊ່ວຍບໍາລຸງຮ່າງກາຍ ເຮັດໃຫ້ຈະເລີນອາຫານ, ຊ່ວຍລຸດຄວາມເສື່ອມສະພາບຂອງຮ່າງກາຍ ທັງພາບໃນ ແລະພາຍນອກ
- ມີສັບພະຄຸນຊ່ວຍບໍາລຸງຫົວໃຈ ແລະປອດ ຫຼຸດຄວາມສ່ຽງຈະເກີດພະຍາດຫົວໃຈ ປ້ອງກັນເສັ້ນເລືອດຖືກທໍາລາຍຈົນອາດນໍາໄປສູ່ອາການຫົວໃຈ ແລະພະຍາດຫຼອດເລືອດສະໝອງ ເຮັດໃຫ້ລະບົບການໄຫຼວຽນຂອງເລືອດເປັນປົກກະຕິ
- ມີສັບພະຄຸນ ຊ່ວຍລະລາຍຄໍເລດເຕີລອຍ ເຮັດໃຫ້ລະດັບຂອງເລດເຕີລອຍໃນຮ່າງກາຍຫຼຸດລົງ ແລະຍັງຫຼຸດໄຂມັນໃນເລືອດ ສາມາດປ້ອງກັນການຕີບຂອງເສັ້ນເລືອດໄດ້
- ມີສັບພະຄຸນຊ່ວຍບໍາລຸງ ແລະປິ່ນປົວສາຍຕາ
- ມີສານໂຄລີນ ຊຶ່ງມີປະໂຫຍດໃນການຊ່ວຍປ້ອງກັນການເກີດພະຍາດສະໝອງເສື່ອມ ແກ້ອາການຂີ້ລືມ ຫຼືຄວາມຈໍາເສື່ອມ
- ມີລິດໃນການຫຼຸດນໍ້າຕານໃນເລືອດ ຊ່ວຍປ້ອງກັນການເກີດພະຍາດເບົາຫວານ ແລະຫຼຸດຄວາມດັນໂລິດໄດ້
- ມີສັບພະຄຸນທາງຢາທີ່ຊ່ວຍບໍາລຸງນໍ້າບີ ເຮັດໃຫ້ນໍ້າບີຂັບເຄື່ອນໄດ້ດີ ແລະສາມາດຂັບນິ້ວ ແລະຕ້ານມະເຮັງໃນຖົງນໍ້າບີ ແລະແກ້ອາການອັກເສບຂອງຖົງນໍ້າບີ
- ຊ່ວຍແກ້ອາການຂອງພະຍາເເຍື້ອຫຸ້ມປອດອັກເສບໃຫ້ມີອາການດີຂຶ້ນ
- ມີສັບພະຄຸນ ຊ່ວຍຂັບປັດສະວະ ແລະແກ້ພະຍາດກະເພາະປັດສະວະອັກເສບຊໍາເຮື້ອ ພະຍາດທາງເດີນປັດສະວະອັກເສບ ແລະນິ້ວໃນກະເພາະປັດສະວະ
- ມີປະໂຫຍດຊ່ວຍແກ້ອາການຫິວນໍ້າ ຊ່ວຍບັນເທົາອາການຂຶ້ນໄສ້ ແລະປວດຮາກ
- ສາມາດຊ່ວຍການທໍາງານຂອງຕັບ ແລະໝາກໄຂ່ຫຼັງເປັນໄປຢ່າງມີປະສິດທິພາບ
- ຊ່ວຍປິ່ນປົວອາການບວມນໍ້າຕາມສ່ວນຕ່າງໆຂອງຮ່າງກາຍ
- ອຸດົມໄປດ້ວຍວິຕາມິນບີ 1 ທີ່ຈະຊ່ວຍປ້ອງກັນອາການກ້າມຊີ້ນອ່ອນແຮງ ແລະຊ່ວຍບໍາບັດອາການເຈັບກ້າມຊີ້ນ