ອີງຕາມສໍານັກຂ່າວຕ່າງປະເທດລາຍງາຍວັນທີ 26 ທັນວາ ນີ້ວ່າ: ພາຍຸໃຕ້ຝຸ່ນນ໊ອຄ-ເຕັນ ອ່ອນກໍາລັງແຮງ ຂະນະເຄື່ອນເຂົ້າສູ້ຟິລິບປິນມື້ນີ້ ພ້ອມກັບກໍາລັງລົມທີ່ຍັງຮຸນແຮງ ໂຄ່ນຕົ້ນໄມ້ຫຼົ້ມ ແລະສາຍໄຟຟ້າລົງ ທາງການເຕືອນລະວັງນໍ້າຖ້ວມ ແລະດິນເຈື່ອນ ແຕ່ບໍ່ມີລາຍງານການເສຍຊີວິດ.
ໂດຍພາຍຸໃຕ້ຝຸ່ນດັ່ງກ່າວ ອ່ອນກໍາລັງຢູ່ທີ່ 150 ກິໂລແມັດຕໍ່ຊົ່ວໂມງ ມຸ່ງໜ້າຈາກຕະເວັນຕົກໄປຍັງພາກໃຕ້ຂອງປະເທດ ປະກາດເຕືອນລະງັບການຂົນສົ່ງທັງທາງບົກ, ທາງນໍ້າ ແລະທາງອາກາດ ຂະນະທີ່ທາງການແຈ້ງວ່າຕ້ອງລະມັດລະວັງ ແລະກຽມພ້ອມຮັບມືກັບກະແສລົມແຮງ ແລະຝົນທີ່ຕົກມາຢ່າງໜັກ.
ແນວໃດກໍຕາມ ຟິລິບປິນ ເປັນປະເທດໜຶ່ງໃນໂລກທີ່ໄດ້ຮັບຜົນກະທົບຈາກພາຍຸໃຕ້ຝຸ່ນໂຕມຕີ ຫຼືພັດຜ່ານ ເກືອບ 20 ຄັ້ງຕໍ່ປີ ເນື່ອງຈາກເປັນປະເທດທີ່ມີຫຼາຍເຖິງ 7 ພັນເກາະ ທັງນີ້ ປະຊາຊົນສ່ວນໃຫຍ່ນັບຖືສາສາໜາຄຣິສຕ໌ ໃຊ້ເວລາໃນຊ່ວງຄຣິດສະມາດ ໝົດໄປກັບການຫາທີ່ຫຼົບໄພຈາກພາຍຸ ແນວໃດກໍຕາມ ເຈົ້າໜ້າທີ່ກໍາລັງເຄຍພື້ນທີ່ເພື່ອອໍານວຍຄວາມສະດວກໃຫ້ກັບປະຊາຊົນໄດ້ຫຼາຍທີ່ສຸດ.