ອີງຕາມສໍານັກຂ່າວຕ່າງປະເທດລາຍງານໃນວັນທີ 25 ທັນວາ ທີ່ຜ່ານມາວ່າ: ທາງການເຢຍລະມັນ ຂອງອັກສ໌ເບີຣ໌ ກໍາລັງກຽມອົບພະຍົບະຊາຊົນຫຼາຍກວ່າ 54,000 ຄົນ ອອກຈາກພື້ນທີ່ ເພື່ອກໍາຈັດລະເບີດ 1.8 ໂຕ່ນ ຈາກສົງຄາມໂລກຄັ້ງທີ 2 ໂດຍເຈົ້າໜ້າທີ່ໄດ້ຕິດປະກາດຕາມໂບດ ແລະທີ່ວ່າການໃຫ້ປະຊາຊົນອອກຈາກພື້ນທີ່ໃນຊ່ວງເຊົ້າຂອງວັນທີ 26 ທັນວາ ກໍຄືມື້ນີ້.

ທັງນີ້ ການອົບພະຍົບດັງກ່າວ ຈະກະທົບກັບຮ້ານຄ້າເກືອບ 32,000 ແຫ່ງ ເຈົ້າໜ້າທີ່ຕໍາຫຼວດ ແລະນັກດັບເພີງ 4,000 ຄົນ ຕາມສື່ເຢຍລະມັນລາຍງານ ການອົບພະຍົບຄັ້ງນີ້ນັບເປັນການອົບພະຍົບຄັ້ງໃຫຍ່ສຸດໃນເຢຍລະມັນ ຊຶ່ງບໍ່ໄດ້ເປັນເລື່ອງຜິດປົກກະຕິ ໃນທີ່ີທີ່ພົບລະເບີດຈາກສົງຄາມ ທັງນີ້ເມື່ອປີ 2011 ເຢຍລະມັນເຄີຍສັ່ງອົບພະຍົບປະຊາຊົນປະມານ 45,000 ຄົນ ເພື່ອທໍາລາຍລະເບີດໃນເມືອງໂຄເບລນຊ໌ມາແລ້ວ.

ແນວໃດກໍຕາມ ທາງການເຢຍລະມັນຈະເປີດໂຮງຮຽນເພື່ອໃຫ້ປະຊາຊົນທີ່ບໍ່ໄດ້ອາໄສຢູ່ກັບຄອບຄົວ ຫຼືໝູ່ເພື່ອນ ໃຫ້ໄດ້ພັກຊົ່ວຄາວ ແລະອະນຸຍາດໃຫ້ນໍາສັດລ້າງຂຶ້ນຂົນສົ່ງສາທາລະນະໄດ້ ເຈົ້າໜ້າທີ່ຕໍາຫຼວດກ່າວວ່າ ມີຄວາມເປັນໄປໄດ້ວ່າ ການເຮັດໃຫ້ຄວາມປອດໄພຕ້ອງໃຊ້ເວລາດົນແນ່ນອນ.

ສໍາຫຼັບເມືອງອັກເບີຣ໌ໃນບາວາເຣຍທາງຕອນໃຕ້ຂອງເຢຍລະມັນ ເປັນພື້ນທີ່ ທີ່ຖືກລະເບີດຢ່າງໜັກໃນຊ່ວງສົງຄາມໂລກ ແລະເສຍຫາຍໜັກສຸດໃນຊ່ວງວັນທີ 25-26 ກຸມພາ ປີ 1944 ເມື່ອຖືກໂຈມຕີຈາກທະຫານອັງກິດນັບໝື່ນຄົນ ແລະການລະເບີດຈາກສະຫະລັດ.