ອີງຕາມສໍານັກຂ່າວຕ່າງປະເທດລາຍງານວັນທີ 23 ທັນວາ ນີ້ວ່າ: ຈີນຖະແຫຼງການປະກາດດ່ວນວັນນີ້ພ້ອມເຕືອນວ່າກໍາລັງປະເຊີນໜ້າກັບສະຫະລັດ ຫຼັງຈາກ ໂດນັນ ທຣັມ ວ່າທີ່ປະທານາທິບໍດີຄົນໃໝ່ຂອງສະຫະລັດ ແຕ່ງຕັ້ງ ປີເຕີຣ໌ ນາຣ໌ວາຣ໌ໂຣ ເປັນຜູ້ນໍາສະພາການຄ້າແຫ່ງຊາດຂອງສະຫະລັດ ສໍາຫຼັບຕໍ່ສູ້ກັບຈີນ.
ໂດຍ ປີເຕີຣ໌ ນາຣ໌ວາຣ໌ໂຣ ຄົນນີ້ຄື ຜູ້ທີ່ປະພັນໜັງສື “ຄວາມຕາຍຈາກຈີນ” ທີ່ບັນຍາຍເຖິງການສູນເສຍຖານການຜະລິດຂອງສະຫະລັດ ແລະຍັງຖືນໍາມາເຮັດເປັນສາລະຄະດີກ່ຽວກັບຄວາມຕ້ອງການຂອງຈີນ ທີ່ຕ້ອງການກ້າວຂຶ້ນເປັນຜູ້ນໍາທາງເສດຖະກິດ ແລະທາງການທະຫານໃນພູມພາກເອເຊຍ ຂະນະດຽວກັນ ເມື່ອ 1 ວັນກ່ອນໜ້ານີ້ ລັດຖະມົນຕີກະຊວງການຕ່າງປະເທດຂອງສະຫະລັດ ອອກມາປະກາດວ່າ ຄວາມຮ່ວມມືລະຫວ່າງ 2 ຊາດເທົ່ານັ້ນ ທີ່ເປັນຕົວເລືອກສໍາຫຼັບການສ້າງຄວາມສໍາພັນຢ່າງໃກ້ສິດກັບຈີນ ແລະສະຫະລັດ ພາຍໃຕ້ການປ່ຽນແປງສູ່ອໍານາດລັດຖະບານໃໝ່ ແນວໃດກໍຕາມການແຕ່ງຕັ້ງ ນາຣ໌ວາຣ໌ໂຣ ທີ່ມີອະຄະຕິກັບຈີນ ເປັນທີ່ປຶກສາທາງເສດຖະກິດອາດເຮັດໃຫ້ຄວາມສໍາພັນຂອງ 2 ຊາດບໍ່ລາບລື່ນໃນອະນາຄົດ