ເຈົ້າໜ້າທີ່ຕໍາຫຼວດເຢຍລະມັນ ກໍາລັງເຂັ້ມງວດໃນຮ້ານສັບພະສິນຄ້າໃຫຍ່ສຸດໃນປະເທດ ຫຼັງຈັບກຸມຊາຍ 2 ພີ່ນ້ອງຊາວໂຄໂຊໂວວາງແຜນໂຈມຕີຊ່ວງທ້າຍປີ.
ອີງຕາມສໍານັກຂ່າວຕ່າງປະເທດລາຍງາຍວັນທີ 23 ທັນວາ ນີ້ວ່າ: ມີຕ້ອງສົງໄສວາງແຜນໂຈມຕີຮ້ານສັບພະສິນຄ້າໃຫຍ່ສຸດຂອງເຢຍລະມັນ ຖືກຄຸມຕົວ 2 ຄົນ ໂດຍຜູ້ຕ້ອງສົງໄສດັງກ່າວເປັນ 2 ພີ່ນ້ອງຊາວໂຄໂຊໂວ ຖືກເຈົ້າໜ້າທີ່ຕໍາຫຼວດເຢຍລະມັນຄວບຄຸມຕົວ ໃນຂໍ້ຫາຕ້ອງສົງໄສກຽມແຜນໂຈມຕີຮ້ານສັບພະສິນຄ້າເຊນໂທຣ ຊຶ່ງເປັນຮ້ານສັບພະສິນຄ້າໃຫຍ່ສຸດຂອງປະເທດເຢຍລະມັນ ໃນເມືອງໂອເບີຣຮູເຊນ ໃກ້ກັບຊາຍແດນເນເຮີແລນ ຜູ້ຕ້ອງສົງໄສ ເປັນຊາຍອາຍຸ 28 ແລະ 31 ປີ ຖືກຄວບຄຸມຕົວທີ່ດູອິສເບີຣ໌ ພື້ນທີ່ທີ່ມີປະກາດເຕືອນການກໍ່ການຮ້າຍລະດັບສູງສຸດຫຼັງເກີດເຫດໂຈມຕີໃນເມືອງເບີຣ໌ລິນ.
ແນວໃດກໍຕາມ ທາງການເຢຍລະມັນໄດ້ລະດົມກໍາລັງຕໍາຫຼວດທັງໃນ ແລະນອກເຄື່ອງແບບ ເບິ່ງແຍງຮ້ານສັບພະສິນຄ້າດັງກ່າວ ທີ່ມີຮ້ານຄ້າຍ່ອຍຫຼາຍເຖິງ 250 ຮ້ານແລ້ວ.