ເລີ່ມກັນແລ້ວເທດສະການຈັບປາໃນລະດູໜາວຂອງຊາວທະເລສາບສາກັນ ເມືອງຊົງຫຍວນ ມົນທົນຈີ໋ຫລິນ ໜຶ່ງໃນທະເລສາບນໍ້າຈືດທີ່ໃຫຍ່ທີ່ສຸດ 10 ແຫ່ງຂອງຈີນ ມີເນື້ອທີ່ເຖິງ 420 ຕາກິໂລແມັດ ທັງຍັງເປັນແຫຼ່ງນໍ້າເຮັດການປະມົງທີ່ມີຊື່ວສຽງຂອງມົນທົນຈີ໋ຫລິນ ແລະອຸດົມໄປດ້ວຍປາລວມກວ່າ 68 ຊະນິດ.

ອີງຕາມສໍານັກຂ່າວຕ່າງປະເທດລາຍງານວັນທີ 23 ທັນວາ ນີ້ວ່າ: ເມື່ອວັນທີ 22 ທັນວາ ທີ່ຜ່ານມາ  ປະຊາຊົນຊາວຈີນຈໍານວນຫຼາຍຫຼັ່ງໄຫຼໄປຮ່ວມເທດສະການຈັບປາທີ່ທະເລສາບສາກັນ ໃນເມືອງຊົງຫຍວນ ມົນທົນຈີ໋ຫລິນ ປະເທດຈີນ ໂດຍໃນຊ່ວງທ້ານເດືອນທັນວາ ກ່ອນເຖິງລະດູໃບໄມ້ຫຼົ່ນຂອງທຸກໆປີ ຊາວປະມົງທ້ອງຖິ່ງກໍຈະຈັດງານເທດສະການຈັບປາໃນລະດູໜາວຄັ້ງໃຫຍ່ຂຶ້ນ.

ຊຶ່ງການຈັບປາຂອງທີ່ນີ້ແຕກຕ່າງຈາກທີ່ອື່ນຄື ຊາວປະມົງທ້ອງຖິ່ນຍັງຄົງໃຊ້ວິທີຈັບປາແບບດັ່ງເດີມ ດ້ວຍການເຈາະນໍ້າກ້ອນແລ້ວວາງອຸປະກອນລົງໄປໃນນໍ້າເພື່ອຈັບປາ.

ນອກຈາກນີ້ ເທດສະການຈັບປາດັງກ່າວຍັງເປັນກິດຈະກໍາດັ່ງເດີມທີ່ສືບເນື່ອງມາຈາກສະໄໝບູຮານ ແລະຈະເລີນຮຸ່ງເຮືອງໃນສະໄໝຣາຊວງຫຽວ ເພາະການຈັບປາໃນລະດູໜາວມີຄວາມສະດວກໃນການເກັບຮັກສາ ແລະການຂົນສົ່ງ ວິທີການຈັບປາເກົ່າແກ່ຊະນິດນີ້ຈຶ່ງສືບທອດມາເຖິງປັດຈຸບັນ.