5 ສິ່ງທີ່ຜູ້ຍິງຄວນເຮັດ ຖ້າຢາກ “ສະລະໂສດ”

0
1969

ເມື່ອໃດທີ່ສາວໆ ມີອາຍຸກ້າວເຂົ້າເລກ 3 ແຕ່ສະຖານະຍັງໂສດ ເຊິ່ງໃນປັດຈຸບັນມີຈຳນວນສາວໂສດຈຳນວນຫຼາຍເພີ່ມຂຶ້ນ ເຮັດໃຫ້ມີເປີເຊັນທີ່ຈະຕ້ອງຢູ່ຄົນດຽວຫຼາຍຂຶ້ນ, ເຊິ່ງມື້ນີ້ ແອັດມິນ ຈະມາບອກສິ່ງທີ່ຄວນເຮັດ ຖ້າຫາກ ຢາກສະລະໂສດ

  1. ໃຫ້ອະໄພອະດີດ: ຄົນໂສດສ່ວນຫຼາຍ ບໍ່ສາມາດມີຮັກຄັ້ງໃໝ່ໄດ້ ຍ້ອນບໍ່ລືມແຟນເກົ່າ, ຍັງຮັກ ຍັງຄິດຮອດ ຫຼືບາງຄົນກໍຍັງເຈັບ ກັບຄວາມຮັກຄັ້ງເກົ່າ ເຮັດໃຫ້ເສຍໃຈຈົນບໍ່ໃຫ້ອະໄພ ເຖິງແມ່ນເວລາຈະຜ່ານໄປດົນພຽງໃດ. ວີທີແກ້ຄື ໃຫ້ອະໄພຕົວເອງ ໃຫ້ອະໄພຄົນຮັກເກົ່າ ເຊົາຄິດ ເຊົາແຄ້ນ ເພາະເຈົ້າບໍ່ສາມາດກັບໄປແກ້ໄຂຫຍັງໄດ້ ແຕ່ເຈົ້າສາມາດສ້າງໃໝ່ໄດ້
  2. ເຊົາເວົ້າວ່າ ໂສດດີແລ້ວ: ຕ້ອງຍອມຮັບວ່າ ຢາກມີແຟນ, ຢາກມີຄົນມາເບິ່ງແຍງດູແລ, ຢາກມີລູກ, ຢາກມີຄອບຄົວທີ່ອົບອຸ່ນ ຢ່າປາກແຂງວ່າ “ໂສດດີແລ້ວ” ເພາະຖ້າເຈົ້າຄິດແບບນັ້ນ ເຈົ້າຈະບໍ່ມີວັນທີ່ຈະມີຮັກຄັ້ງໃໝ່
  3. ຢູ່ໃນໂລກແຫ່ງຄວາມເປັນຈິງ: ທຸກຄົນຢາກມີແຟນທີ່ສົມບູນທຸກຢ່າງ ແຕ່ກໍມີໜ້ອຍທີ່ສຸດທີ່ສົມບູນປະເພດຫຼໍ່, ມີນິໄສດີ, ເຮັດໃຫ້ເຈົ້າຍິ້ມໄດ້ ຖ້າຫາກເຂົາຍັງບໍ່ມີແຟນເປັນຕາສົງໄສ ເພາະໃນໂລກແຫ່ງຄວາມເປັນຈິງຜູ້ຊາຍທີ່ສົມບູນທຸກຢ່າງນັ້ນມີໜ້ອຍທີ່ສຸດ ແລະຍາກທີ່ຈະພົບເຫັນ, ເຈົ້າຕ້ອງກັບມາສູ່ໂລກຂອງຄວາມເປັນຈິງຈະດີທີ່ສຸດ
  4. ເຊົາປະຕິເສດຄຳຊວນ: ການປະຕິເສດທຸກງານທີ່ມີຄົນຊວນໄປບໍ່ແມ່ນເລື່ອງດີ ເພາະນີ້ຄືໂອກາດທີ່ຈະລົງຈາກຄານ ບໍ່ວ່າຈະເປັນງານປະເພດໃດກໍຢ່າປະຕິເສດ ເພາະການອອກໄປງານຕ່າງໆເຮັດໃຫ້ເຮົາຮູ້ຈັກຫຼາຍຢ່າງ ແລະຮູ້ຈັກຄົນຫຼາຍຂຶ້ນ ມັນຈະດີກວ່າການຢູ່ເຮືອນ ແລະອາດຈະພົບຮັກຄັ້ງໃໝ່ໄດ້
  5. ອອກຊອກຫາຄົນຮັກໃຫ້ຖືກທີ່: ເພາະຜູ້ຍິງຊ່ວງອາຍຸ 30-35 ປີ ມັກຊອກຫາຄົນຮັກບໍ່ຖືກບ່ອນ ໄປຊອກໃນບ່ອນທີ່ຜູ້ຊາຍໃນຊ່ວງນີ້ບໍ່ມັກໄປ, ເຊິ່ງຜູ້ຊາຍໃນຊ່ວງອາຍຸ 30-35 ປີຈະສ້າງເຮັດວຽກ ເພື່ອເກັບເງິນ, ຊື້ຊັບສິນ ເພາະພວກເຂົາຮູ້ດີວ່າ ຖ້າບໍ່ມີຊັບວິນເງິນຄຳ ຈະຈີບສາວຄົນໃດກໍບໍ່ຕິດ ແລະເມື່ອເຂົາມີທຸກຢ່າງທີ່ຕ້ອງການແລ້ວ ເຂົາຈະເລືອກຜູ້ຍິງເອງ, ຖ້າຜູ້ຍິງຈະຊອກຫາຜູ້ຊາຍໃນຊ່ວງອາຍຸນີ້ຈະຕ້ອງໄປທີ່ ສະຖານທີ່ອອກກຳລັງກາຍ, ບໍລິສັດເຮັດທຸລະກິດ…

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ifram FB ເພຈທ່ຽວເມືອງລາວ Laotrips