ມື້ນີ້ 5 ສິງຫາ 2014 ໄດ້ເກີດຂ່າວຮືຮາໄປທົ່ວສັງຄົມອອນລາຍນ໌ ເມື່ອມີການເຜີຍແຜ່ຮູບພາບ ກ້ອນແຮ່ທາດທີ່ມີລັກສະນະເປັນຫິນເພັດທີ່ສວຍງາມ ທີ່ມີຮູບໂລຫະຄ້າຍຄືຄຳຕິດຢູ່ ແລະມີຈຳນວນຫຼາຍກ້ອນທີ່ແຕກຕ່າງກັນ ທີ່ເມືອງພູວົງ ແຂວງອັດຕະປື.
ທີມຂ່າວ ລາວໂພສຕ໌ ໄດ້ພະຍາຍາມຕິດຕໍ່ໄປຍັງເມືອງພູວົງ ແຂວງທີ່ເມືອງພູວົງ ແຂວງອັດຕະປື ທີ່ເປັນພະນັກງານທ່ານໜຶ່ງ ແຕ່ຜູ້ກ່ຽວບໍ່ປະສົງອອກນາມ. ຜູ້ກ່ຽວໄດ້ໃຫ້ຂໍ້ມູນຕື່ມວ່າ ຄວາມຈິງແລ້ວກ້ອນແຮ່ທີ່ເຫັນໃນຮູບນັ້ນແມ່ນໄດ້ພົບເຫັນເປັນເວລາເກືອບ 2 ເດືອນແລ້ວ ແຕ່ບໍ່ເປັນຂ່າວ ເຊິ່ງການພົບເຫັນດັ່ງກ່າວແມ່ນພົບຈາກການດູດຫິນຂອງບໍລິສັດຂຸດຄົ້ນຫິນເພື່ອວຽກງານກໍ່ສ້າງ.
ຫຼັງຈາກພົບເຫັນຄືດັ່ງກ່າວແລ້ວ ເຈົ້າໜ້າທີ່ຂັ້ນເທິງກໍໄດ້ລົງໄປສະກັດກັ້ນບໍ່ໃຫ້ໃຜສາມາດລັກລອບຂຸດຄົ້ນຕໍ່ໄປອີກ. ໃນຂະນະທີ່ມີຂ່າວວ່າມີກຸ່ມນາຍທຶນທັງລາວຈາກນະຄອນຫຼວງວຽງຈັນ ແລະປະເທດຄຽງ ພະຍາຍາມວິ່ງເຕັ້ນເພື່ອຂໍສຳປະທານຂຸດຄົ້ນແຮ່ໃນເຂດດັ່ງກ່າວ ແຕ່ທາງແຂວງອັດຕະປື ກໍຄືລັດຖະບານບໍ່ທັນຕົກລົງອະນຸຍາດເທື່ອ.
ລາຍລະອຽດຕື່ມນັ້ນ ທີມຂ່າວເຮົາຈະຕິດຕາມຂ່າວມາລາຍງານຕື່ມອີກ…
