ອີງຕາມສໍານັກຂ່າວຕ່າງປະເທດລາຍງານວັນທີ 22 ທັນວາ ນີ້ວ່າ: ເມື່ອວັນທີ 19 ທັນວາ ທີ່ຜ່ານມາ ເກີດເຫດຊາຍຊາວຈີນສາດນໍ້າມັນເບນຊິລໃສ່ຍິງຄົນໜຶ່ງພາຍໃນຮ້າຍຂາຍໂທລະສັບມືຖືໃນ ນານຈາງ ເມືອງຊຽງຫຍາງ ມົນທົນຫູເປ່ຍ ກ່ອນຈູດໄຟເຜົາຈົນຍິງຄົນດັງກ່າວໄດ້ຮັບບາດເຈັບສາຫັດ ແລ້ວຫຼົບໜີໄປ ເຮັດໃຫຫ້ຜູ້ຄົນແຕກຕື່ນກັນທັງຮ້ານ.
ຕາມກາຍລາຍງານລະບຸວ່າ ຕອນເຊົ້າຂອງວັນທີ 21 ທັນວາ ທີ່ຜ່ານມານີ້ ຊາວຄົນດັງກ່າວໄດ້ເຂົ້າມອບໂຕກັບເຈົ້າໜ້າທີ່ຕໍາຫຼວດແລ້ວ ພ້ອມຍາດພີ່ນ້ອງທີ່ເດີນທາງມານໍາ ໂດຍຈາກການສອບສວນຮູ້ວ່າ ຊາຍຄົນດັງກ່າວອາຍຸ 36 ປີ ສ່ວຍຍິງສາວທີ່ໄດ້ຮັບບາດເຈັບອາຍຸ 32 ປີ ຊຶ່ງສາເຫດທີ່ເຂົາກໍ່ເຫດຄັ້ງນີ້ ເພາະທັງສອງຄົນມີເຫດຜິດຖຽງກັນ ໃນມື້ເກີດເຫດຊາຍຄົນດັງກ່າວຈຶ່ງໄດ້ເອົານໍ້າມັນເບນຊິລທີ່ດູດມາຈາກລົດຈັກເຂົ້າໄປຫາຍິງສາວ ແລ້ວສາດນໍ້າມັນນັ້ນໃສ່ໂຕຍິງສາວກ່ອນຈູດໄຟເຜົາ ແລ້ວເອົາໂຕຫຼົບໜີໄປ.
ທັງນີ້ ເຫດການດັງກ່າວກໍາລັງຢູ່ໃນລະຫວ່າງການກວດສອບ ແລະສືບສວນຂອງເຈົ້າໜ້າທີ່ຕໍາຫຼວດ ສ່ວຍຍິງສາວທີ່ໄດ້ຮັບບາດເຈັບກໍາລັງຢູ່ໃນລະຫວ່າງການປິ່ນປົວໃນໂຮງໝໍ.