ອີງຕາມສໍານັກຂ່າວຕ່າງລາຍງານວັນທີ 22 ທັນວາ ນີ້ວ່າ: ສໍານັກງານຜູ້ແທນການຄ້າຂອງສະຫະລັດ ຢູເອສທີອາຣ໌ ປະກາດຂຶ້ນບັນຊີດໍາ ອາລີບາບາ ບໍລິສັດອີຄອມເມິຣ໌ລາຍໃຫຍ່ຂອງຈີນ ວ່າເປັນແຫຼ່ງຂາຍສິນຄ້າປອມ ໂດຍໃນບັນຊີດໍາດັງກ່າວມີຊື່ວ່າ “Notorious Market” ຫຼືຕະຫຼາດມືດ ຫຼັງເມື່ອ 4 ປີກ່ອນ ອາລີບາບາກໍເຄີຍຕິດຢູ່ໃນບັນຊີດໍາຂອງສະຫະລັດ ແລະສາມາດຫຼຸດອອກຈາກບັນຊີດັງກ່າວໄປແລ້ວ ແຕ່ກັບມາຕິດອີກຄັ້ງໃນເທື່ອນີ້.
ໄມເຄິລ ອີແວນສ໌ ປະທານອາລີບາບາ ກຣຸບ ລະບຸວ່າໃນຖະແຫຼງການວ່າ ເປັນເລື່ອງທີ່ໜ້າຜິດຫວັງຢ່າງຍິ່ງສໍາຫຼັບການຕັດສິນໃນຂອງຢູເອສທີອາຣ໌ໃນຄັ້ງນີ້ ຊຶ່ງເປັນການຕັດສິນໃຈທີ່ເພີກເສີຍເຖິງຄວາມພະຍາຍາມຂອງອາລີບາບາໃນການຕໍ່ຕ້ານສິນຄ້າປອມມາໂດຍຕະຫຼອດ ອີແວນສ໌ ຍັງເບິ່ງດ້ວຍວ່າ ການຕັດສິນໃຈຂອງສະຫະລັດຄັ້ງນີ້ ໜ້າຈະມີໃນທາງການເມືອງແອບແຝງຢູ່ ເພາະວ່າ ໂດນັນ ທຣັມ ວ່າທີ່ປະທານາທິບໍດີສະຫະລັດ ຄົນໃໝ່ ເຄີຍວິພາກວິຈານການຄ້າລະຫວ່າງສະຫະລັດ ແລະຈີນ ມາຫຼາຍຄັ້ງ ນອກຈາກນີ້ ທຣັມ ຍັງເຄີຍຂູ່ວ່າຈະຂຶ້ນພາສີເພື່ອສະກັດກັ້ນສິນຄ້າຈີນໃນສະຫະລັດດ້ວຍ ໂດຍຢູເອສທີອາຣ໌ໄດ້ເຕືອນວ່າ ອາລີບາບາຈໍາເປັນທີ່ຈະຕ້ອງເຮັດຫຼາຍກວ່ານີ້ ເພື່ອແກ້ໄຂປັນຫາສິນຄ້າປອມທີ່ວາງຂາຍຢູ່ໃນເວັບໄຊທຂອງອາລີບາບາ ແນວໃດກໍຕາມອາລີບາບາໄດ້ອອກນະໂຍບາຍທີ່ເຂັ້ມງວດຫຼາຍຂຶ້ນ ແລະສ້າງລະບົບໃຫ້ບໍລິສັດເຈົ້າຂອງລິຂະສິດສາມາດລາຍງານຕໍ່ອາລີບາບາໄດ້ໂດຍກົງ.