ຂ່າວບັນເທີງຕ່າງປະເທດ ກັບ ລາວໂພສຕ໌ ມື້ນີ້ແອັດມິນຈະພາທຸກຄົນມາຮູ້ຈັກສາວງາມ ສາວສາຍາ 2,000 ປີ ຈາກແດນມັງກອນ ດາລາສາວຮຸ້ນໃຫຍ່ ຢ່າງ “ພານ ອິ໋ງຈື” ທີ່ປັດຈຸບັນ ນາງມີອາຍຸຫຼາຍເຖິງ 71 ປີແລ້ວ (ທຽບຮຸ້ນແມ່ເຖົ້າ) ແຕ່ລາວຍັງມີໃບໜ້າຍັງໜຸ່ມກວ່າອາຍຸແທ້ຫຼາຍສິບປີ ຮູບຮ່າງຂອງລາວຍັງເປ໊ະປານສາວນ້ອຍ

ໂດຍຫຼ້າສຸດ (20 ທັນວາ 2016) ເກີດເປັນກະແສຮືຮາໃນໂລກອອນໄລນ ທີ່ປະເທດຈີນ ເມື່ອ ພານ ອິ໋ງຈື ນາງໄດ້ຕອບຮັບງານຖ່າຍແຟຊັ່ນ ໂຄສະນາ ດ້ວຍການອອກມາໂຊລີລາທ່າເຕັ້ນໃນງານສຸດອ່ອນຊ້ອຍໃນຊຸດກະໂປ່ງສັ້ນສີຂາວ, ໃສ່ເກີບສົ້ນສູງ ຈົນຫຼາຍຄົນພາກັນຕົກຕະລຶງໃນຄວາມສາວຄວາມງາມຂອງນາງ ຖ້າທຽບໃສ່ອາຍຸແລ້ວ

ປະຫວັດ ພານ ອິ໋ງຈື ເກີດເມື່ອວັນທີ 5 ມິຖຸນາ 1945 ໃນເມືອງ ຊູໂຈ ມົນທົນ ຈຽງຊູ ປະເທດຈີນ ນາງໄດ້ເຂົ້າວົງການບັນເທີງຕັ້ງແຕ່ອາຍຸ 17 ປີ ແຕ່ຜົນງານທີ່ສ້າງຊື່ສຽງ ແລະ ເຮັດໃຫ້ລາວເປັນທີ່ຮູ້ຈັກໄປທົ່ວບ້ານທົ່ວເມືອງກໍ່ຄືນາງໄດ້ຮັບບົດສະແດງເປັນ “ຊຽງເຫລ່ງນຶ່ງ” ໃນເລື່ອງ ມັງກອນຢົກ ເວີຊັ່ນປີ 1984 ເຊິ່ງໃນຕອນນັ້ນນາງກໍ່ມີອາຍຸກ້າວເຂົ້າໄວ 40 ປີແລ້ວ ແລະ ມາໂດ່ງດັງອີກຄັ້ງເມື່ອນາງມາຮັບບົດເປັນ ບູເຊັກທຽນ ໃນປີ 1985

ຕ້ອງບອກເລີຍວ່າ ການເວລາບໍ່ສາມາດເຮັດຫຍັງແມ່ເຖົ້າຄົນນີ້ໄດ້ແທ້ໆ ເພາະອາຍຸເປັນພຽງຕົວເລກເທົ່ານັ້ນ (ແອັດມິນຢາກໄດ້ສູດຮັກສາຄວາມໜຸ່ມ-ສາວຕະຫຼອດການຂອງແມ່ເຖົ້າຄົນນີ້ເດ້…ຢາກຮູ້ວ່າລາວມີເຄັດລັບໃນການຮັກສາຄວາມສາວຂອງລາວໄວ້ແນວໃດ) ເອົາເປັນວ່າເຮົາມາເບິ່ງຮູບພາບຂອງນາງກັນເລີຍດີກວ່າ

ແຫລ່ງຂ່າວຈາກ: http://women.kapook.com/view162997.html

ພາບຈາກ: http://www.zhangzishi.cc/20161220xl.html, http://www.wenxuecity.com/news/2016/12/19/5856460.html
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!