ທ້ອງຜູກ ເປັນອາການໜຶ່ງທີ່ພົບເຫັນຫຼາຍໃນຄົນເຮົາປັດຈຸບັນ ເຖິງວ່າຈະບໍ່ເປັນພະຍາດຮ້າຍແຮງ ແຕ່ກໍສ້າງບັນຫາໃນຊີວິດປະຈຳວັນໃຫ້ກັບຄົນເຮົາ, ທັງການຖ່າຍບໍ່ອອກ, ຖ່າຍບໍ່ສະດວກ ກໍຈະເຮັດໃຫ້ອຶດອັດ, ອ່ອນເພຍ, ເມື່ອຍ, ແຕ່ຖ້າຫາກປ່ອຍໄວ້ດົນ ກໍມີໂອກາດເປັນພະຍາດລິດສີດວງ ແລະຖ້າຮ້າຍແຮງເຖິງຂັ້ນເປັນມະເຮັງລຳໄສ້, ສາເຫດສຳຄັນຂອງການທ້ອງຜູກ ຍ້ອນການກິນອາຫານທີ່ມີກາກໃຍບໍ່ພຽງພໍ. ດັ່ງນັ້ນ ຈຶ່ງຄວນເລືອກກິນອາຫານທີ່ມີການໃຍຫຼາຍໆ ແລະມີລິດຊ່ວຍລະບາຍທ້ອງໄດ້
- ໝາກຂາມ: ນອກຈາກມີກາກໃຍອາຫານສູງແລ້ວ ຍັງມີລົດຊາດສົ້ມ ເປັນຢາລະບາຍອ່ອນໆ, ຫາກມີອາການທ້ອງຜູກຮຸນແຮງ ແນະນຳໃຫ້ເອົາມາຕົ້ມກັບນໍ້າ 3 ແກ້ວ ແລ້ວຈະໄດ້ນໍ້າໝາກຂາມເຂັ້ມໆ ແລ້ວເອົາເກືອລົງເລັກໜ້ອຍ ດື່ມກ່ອນນອນປະມານ 1-2 ຊົ່ວໂມງ ຈະຊ່ວຍໃຫ້ຖ່າຍງ່າຍຂຶ້ນ
- ໝາກແອັບເປິ່ນຂຽວ: 1 ໜ່ວຍໃຫ້ໃຍອາຫານຫຼາຍ, ມີນໍ້າຕານໜ້ອຍ ແລະບໍ່ຄວນກິນປບບປອກເປືອກ ເພາະເປືອກມີກາກໃຍອາຫານ
- ໝາກຖົ່ວດຳ: ມີໃຍອາຫານສູງ ໂດຍເອົາຖົ່ວດຳຕົ້ມ ຫຼືໜຶ້ງ 1 ຖ້ວຍ ມາກິນຈະຊ່ວຍລະບາຍທ້ອງໄດ້
- ໝາກນັດ: ມີກາກໃຍອາຫານສູງ ເຊິ່ງມີຄວາມສຳຄັນກັບການຍ່ອຍອາຫານ, ຄວນກິນຕະຫຼອດຈະຊ່ວຍເລື່ອງລະບົບຂັບຖ່າຍໃຫ້ສະດວກ
- ໝາກຫຸ່ງ: ທັງໜ່ວຍສຸກ ແລະໜ່ວຍດິບ ມີສັບພະຄຸນຊ່ວຍໃນການຂັບປັດສະວະ ແລະເປັນຢາລະບາຍອ່ອນໆ, ສໍາລັບຄົນທີ່ຖ່າຍບໍ່ສະດວກ ຄວນກິນໝາກສຸກ ຈະຊ່ວຍໃຫ້ຂັບຖ່າຍສະດວກ, ແຕ່ບໍ່ຄວນກິນຫຼາຍ ແລະກິນຕະຫຼອດ ເພາະຈະເຮັດໃຫ້ຜິວເຫຼືອງ
- ກ້ວຍນໍ້າ: ເປັນໝາກໄມ້ທີ່ມີສານເພັກຕິນສູງ ຊ່ວຍເພີ່ມກາກອາຫານ ແລະຍັງມີເມືອກມື່ນເຮັດໃຫ້ຖ່າຍສະດວກ ແລະຄວນກິນຕອນເຊົ້າໃນເວລາທ້ອງວ່າງ 2-4 ໜ່ວຍ ແລະດື່ມນໍ້ານຳຫຼັງ ຄວນກິນທຸກມື້
- ໝາກເຟືອງ: ເປັນໝາກໄມ້ທີ່ມີລົດຊາດສົ້ມ, ສາມາດບັນເທົາອາການທ້ອງຜູກໄດ້ ເພາະມີລິດເປັນຢາລະບາຍ ແລະຍັງຊ່ວຍຫຼຸດກົດໃນກະເພາະອາຫານໄດ້ອີກດ້ວຍ
- ນໍ້າເຜິ້ງ: ເອົານໍ້າເຜິ້ງມາປະສົມນໍ້າດື່ມ ເປັນນໍ້າຫຼຸດອາການທ້ອງຜູກ ເພາະນໍ້າເຜິ້ງມີລິດຊ່ວຍລະບາຍ
- ຫວ້ານຫາງແຂ້: ເອົາມາປອກເປືອກລ້າງສະອາດ ເອົາແຕ່ວຸ້ນໃສໆ ຂອງຫວ້ານຫາງແຂ້ ມີສ່ວນຊ່ວຍລຳໄສ້ໄດ້ຫຼາຍຢ່າງ ເພາະມັນມີເສັ້ນໃຍທີ່ດີຕໍ່ສຸຂະພາບ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ