ໃນຄໍລຳ ໜັງໃໝ່ ມື້ນີ້ແອັດມິນຈະມາເອົາໃຈຄົນທີ່ມັກເບິ່ງຮູບເງົາປະເພດຊີຣີ້ກັນແນ່ຈັກໜ້ອຍ ໂດຍສະເພາະຊີຣີ້ທາງຝັ່ງເກົາຫຼີໃຕ້
ໃນປັດຈຸບັນນີ້ມີຊີຣີ້ເລື່ອງໜຶ່ງທີ່ກຳລັງມີເຣດຕິ້ງສູງທີ່ສຸດໃນເກົາຫຼີໃຕ້ ນັ້ນກໍ່ຄືເລື່ອງ “Goblin” ຫຼັງເປີດຕົວຊີຣີ້ເລື່ອງນີ້ໄປເມື່ອວັນທີ 2 ທັນວາ 2016 ທີ່ຜ່ານມາ ກໍ່ໄດ້ຮັບການຕອບຮັບແບບທະລົ່ມທະລາຍເລີຍກໍ່ວ່າ ເຣດຕິ້ງຂອງຊີຣີ້ເລື່ອງນີ້ແຕ່ລະຕອນໄດ້ເພີ່ມຂຶ້ນເລື່ອຍໆ ຈາກຂໍ້ມູນຂອງ good data corporation ເຜີຍໃຫ້ຮູ້ວ່າຊີຣີ້ໃໝ່ອງຊ່ອງ TvN ຂຶ້ນອັນດັບຄວາມນິຍົມໄດ້ໄວກວ່າ Descendant of the sun ທີ່ ຊົງຈຸງກິ ແລະ ຊອງເຮຄຽວ ເປັນຄົນຫຼິ້ນ
ສຽງຕອບຮັບຈາກຊາວເນັດຕໍ່ແຫຼ່ງຂໍ້ມູນ ບລັອກ ເວັບໄຊຕ່າງໆ, ຕາມໂຊຊຽວມີເດຍ ແລະ ວິດີໂອເຜີຍວ່າ goblin ໄດ້ຮັບຄະແນນສູງເຖິງ 12,500 ໃນການຈັດອັນດັບລະຄອນໃນເວລາພຽງ 1 ອາທິດເທົ່ານັ້ນ
ລາຍລະອຽດຂອງເລື່ອງ:
ຊື່ເລື່ອງ: 쓸쓸하고 찬란하神-도깨비 / Goblin
ປະເພດເລື່ອງ: Fantasy, Romance
ຈຳນວນ: 16 (ລໍຖ້າການຢືນຢັນອີກຄັ້ງ)
ອອກສາຍທາງຊ່ອງ: tvN
ຊ່ວງໄລຍະວັນອອກອາກາດ: 2 ທັນວາ 2016 – 21ມັງກອນ 2017
ເວລາອອກອາກາດ: ວັນສຸກ ແລະ ເສົາ ເວລາ 20:00 ໂມງ. (ຕາມເວລາໃນເກົາຫຼີໃຕ້)
ພາກໄທ ທາງຊ່ອງ true 24: ອອກອາກາດວັນພຸດ-ພະຫັດ (ເວລາ 20:00 ນາທີ) ເລລີ່ມຕອນທຳອິດໃນວັນທີ 26 ເມສາ 2017
ເລື່ອງຫຍໍ້ ຊີຣີ້ເກົາຫຼີໃຕ້ Goblin
ຄິມຊິນ (ຮັບບົດໂດຍ ກົງຍູ) ຄືກ໊ອບລິນທີ່ເປັນຜູ້ພິທັກດວງວິນຍານ ເຂົາໄດ້ຢູ່ຮ່ວມກັບ ກຣິມ ຣິບເປີ ຍົມມະທູດໜຸ່ມຜູ້ສູນເສຍຄວາມຊົງຈຳ (ສະແດງໂດຍ: ອີດົງອຸດ) ທັງສອງມີໜ້າທີ່ຮັບດວງວິນຍານທີ່ໝົດອາຍຸສັງຂານໄປສົ່ງທີ່ປາຣະໂລກ ແລະ ພວກເຂົາກໍ່ຖືກສົ່ງມາທີ່ໂລກມະນຸດ ຄິມຊິນຕ້ອງການຫຼຸດພົ້ນຈາກຊີວິດທີ່ເປັນອຳມະຕະ ແລະ ເຂົາຈະຕ້ອງໄດ້ແຕ່ງງານກັບຍິງສາວທີ່ເປັນມະນຸດ ໃນຂະນະທີ່ ຈີອືນທັກ (ສະແດງໂດຍ, ຄິມໂກອືນ) ເປັນນັກຮຽນມັກທະຍົມຕອນປາຍ ນາງມີຊີວິດທີ່ແສນເຈັບປວດ ແຕ່ນາງຍັງເບິ່ງໂລກໃນແງ່ດີ ຈົນນາງໄດ້ມາຕົກຫຼຸມຮັກກັບ ກ໊ອບລິນ, ຄິມຊອນ (ສະແດງໂດຍ: ຢູອິນນາ) ນາງເປັນຄົນສົດໃສ ແລະ ມີສະເໜ່ ເປັນເຈົ້າຂອງຮ້ານຂາຍໄກ່ຕົ້ມ ມີຊາຍໜຸ່ມຕ່າງພາກັນມາມັກນາງ ເລື່ອງລາວຂອງທັງສີ່ຄົນຈະເປັນແນວໃດຕໍ່ໄປຕ້ອງຕິດຕາມໃນຊີຣີ້ເລື່ອງນີ້ໄດ້
ຕອນນີ້ໄດ້ສາຍອອກອາກາດທັງໝົດ 6 ຕອນແລ້ວ ແອັດມິນກໍ່ເຂົ້າເບິ່ງຕາມລິ້ງ http://runningtube-subthai2.blogspot.com/2016/12/goblin.html?play=6-2-1 ( ເບິ່ງຊັບພາສາໄທ) ເບິ່ງຕອນທຳອິດກໍ່ຮູ້ສຶກວ່າເລື່ອງນີ້ເປັນຕາເບິ່ງ ແລະ ໜ້າຕິດຕາມຕອນຕໍ່ໄປໆ ດັ່ງນັ້ນຈິ່ງນຳມາສະເໜີແຟນເພສໃຫ້ໄດ້ເປັນນຳກັນ
ແຕ່ມີຂ່າວດີສຳລັບຄົນທີ່ບໍ່ຢາກອ່ານຊັບໄທ ເພາະຕົ້ນປີໜ້າ ທາງໂທລະພາບເພື່ອນບ້ານ ຊ່ອງ true4u ຈະນຳເລື່ອງນີ້ມາສາຍອອກອາກາດເປັນພາກພາສາໄທ (ສ່ວນຈະສາຍມື້ໃດ, ເວລາໃດນັ້ນຈະແຈ້ງໃຫ້ຮູ້ອີກຄັ້ງໜຶ່ງ)
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!