ສຳລັບເລື່ອງຄວາມຮັກ ຄົນສ່ວນຫຼາຍມັກເບິ່ງວ່າຜູ້ຍິງເປັນຄົນຮັກດຽວໃຈດຽວ ຈິງໃຈຫຼາຍກວ່າຜູ້ຊາຍ, ຈົນຜູ້ຊາຍຫຼາຍຄົນຄິດວ່າແຟນເປັນຂອງຕາຍ ແຕ່ບາງຄັ້ງກໍມີຫຼາຍເຫດຜົນທີ່ເຮັດໃຫ້ສາວໆນອກໃຈຄົນຮັກໄດ້ຄືກັນ
- ບໍ່ໝັ້ນໃຈໃນຄວາມສຳພັນທີ່ເປັນຢູ່: ເພາະບາງຄັ້ງຜູ້ຊາຍ ບໍ່ສະແດງອອກມາຊັດເຈນ, ປາກແຂງ ຮັກກໍບໍ່ເຄີຍບອກ, ຈົນເຮັດໃຫ້ສາວໆນ້ອຍໃຈໃນຄວາມສຳພັນ, ເຮັດຄືກັບວ່າສາວໆບໍ່ມີຕົວຕົນ, ເມື່ອໃດຫາກພົບຜູ້ຊາຍທີ່ກ້າສະແດງອອກເຂົາກໍຈະເລືອກຄົນແບບນີ້ຫຼາຍກວ່າ
- ຜູ້ຊາຍບໍ່ຮັບຟັງ: ເພາະຜູ້ຊາຍບາງຄົນປະຕິບັດກັບສາວໆຄືກັບຕົນເອງເປັນຜູ້ໃຫຍ່ກວ່າ, ຮູ້ທຸກຢ່າງ, ຄອຍສັ່ງສອນສາວໆ ຫຼືຍາມມີບັນຫາກໍມັກຈະເວົ້າວ່າຕົນເອງຖືກສະເໝີ, ບໍ່ຍອມຂໍໂທດ ແລະເມື່ອມີບັນຫາກໍແກ້ໄຂຄົນດຽວ ໂດຍບໍ່ປຶກສາກັນ ເຮັດຄືກັບຕົນເອງເປັນຜູ້ນຳທີ່ເກັ່ງສະເໝີ, ບໍ່ຍອມຟັງເຫດຜົນຂອງສາວໆ ຈຶ່ງເປັນເຫດຜົນທີ່ເຮັດໃຫ້ສາວໆໄປຫາຄົນອື່ນທີ່ພ້ອມຈະຮັບຟັງ
- ບໍ່ດີຄືກັບແຕ່ກ່ອນ: ເມື່ອຄົບກັນມາດົນ ກໍເຮັດໃຫ້ຜູ້ຊາຍທີ່ດີ ຄອຍເອົາໃຈນັ້ນ ກັບກາຍເປັນອະດີດ, ປັດຈຸບັນບໍ່ເປັນແບບນັ້ນ, ເມື່ອສາວໆເຮັດຫຍັງກໍຜິດໄປໝົດ, ບໍ່ສົນໃຈກັນ
- ເຂົ້າກັນບໍ່ໄດ້: ເມື່ອຄົບກັນແລ້ວ ອາດເຫັນວ່າເຂົ້າກັນບໍ່ໄດ້ຫຼາຍຢ່າງ ທັງຄວາມຄິດ, ນິໄສ ແລະການກະທຳທີ່ແຕກຕ່າງກັນ ບໍ່ສາມາດເຂົ້າກັນໄດ້
- ເປັນພາລະ ຫຼາຍກວ່າການເປັນຜູ້ນຳ: ຜູ້ຊາຍ ທີ່ເຮັດໃຫ້ເປັນຫ່ວງຕະຫຼອດເວລາ ບໍ່ສາມາດຄວບຄຸມຊີວິດຕົນເອງໃຫ້ຢູ່ໃນບ່ອນທີ່ຄວນເຊັ່ນ: ຕິດການພະນັນ, ຕິດເຫຼົ້າ, ນອກຈາກເບິ່ງແຍງຄົນອື່ນບໍ່ໄດ້ແລ້ວ ຍັງເບິ່ງແຍງຕົນເອງບໍ່ໄດ້, ບາງຄັ້ງຍັງຫາເລື່ອງເດືອດຮ້ອນມາໃຫ້ອີກ, ຈຶ່ງເປັນເຫດໃຫ້ສາວໆຢຸດຄວາມສຳພັນ ຫຼືມີຄົນໃໝ່
- ຫຶງຫວງຫຼາຍເກີນໄປ: ຜູ້ຊາຍບາງຄົນຫຶງຫຼາຍເກີນໄປ, ມີໝູ່ຜູ້ຊາຍກໍບໍ່ໄດ້, ບາງຄັ້ງໄປກັບຜູ້ຍິງນຳກັນຍັງບໍ່ໄດ້, ເຖິງເຮັດເພາະຮັກ ແຕ່ກໍເຮັດໃຫ້ສາວໆໝົດອິດສະລະພາບ, ອຶດອັດ ແລະທົນບໍ່ໄດ້
- ຖືກຕີຕະຫຼອດ: ເຖິງຈະຮັກຫຼາຍພຽງໃດ ແຕ່ເມື່ອທຸບຕີຕະຫຼອດ ບໍ່ມີໃຜທີ່ຈະສາມາດທົນໄດ້
- ຫວັ່ນໄຫວ ເພາະຄວາມໃກ້ຊິດ: ເມື່ອຄົນຮັກຢູ່ໄກ ອາດເຮັດໃຫ້ສາວໆຫວັ່ນໄຫວໄປກັບຄົນໃກ້ຊິດ, ເມື່ອມີອີກຄົນຄອຍເອົາໃຈໃສ່, ໃສ່ໃຈຢູ່ທຸກມື້ ເຊິ່ງເຮັດໃຫ້ສາວໆຫວັ່ນໄຫວໄປຕາມໄດ້
- ເພາະຜູ້ຊາຍນອກໃຈກ່ອນ: ໜຸ່ມໆບາງຄົນອາດນອກໃຈສາວໆ ຈົນເຮັດໃຫ້ສາວໆຈັບໄດ້ຕະຫຼອດ, ເມື່ອເປັນແນວນັ້ນ ສາວໆກໍຈະນອກໃຈ ເພາະໜຸ່ມໆເປັນຝ່າຍເຮັດກ່ອນ ເພາະສາວໆກໍສາມາດເຮັດໄດ້ເຊັ່ນກັຮ, ຈາກເລື່ອງນ້ອຍໆ ກໍກາຍເປັນເລື່ອງໃຫຍ່ ຈົນເຖິງຂັ້ນນອກໃຈກັນແທ້ໆ
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!
ifram FB ເພຈທ່ຽວເມືອງລາວ Laotrips