ທີມຄົ້ນຫາເຄື່ອງບິນມາເລເຊຍ MH370 ກຽມຢຸດຕິການຄົ້ນຫາໃນປີໜ້າ ລັດຖະບານ 3 ຊາດຮ່ວມຕົກລົງ.
ອີງຕາມສໍານັກຂ່າວຕ່າງປະເທດລາຍງານໃນວັນທີ 20 ທັນວານີ້ວ່າ: ຜູ້ນໍາຊຸດສືບສວນ ຄົ້ນຫາເຄື່ອງບິນມາເລເຊຍຖ້ຽວບິນ 370 ທີ່ຫາຍໄປເມື່ອ 2 ປີກ່ອນ ວ່າ ບໍ່ມີທ່າທີທີ່ຈະພົບເສດຊາກຂອງເຄື່ອງບິນລໍາດັງກ່າວ ໃນເຂດມະຫາສະໝຸດອິນເດຍ ພື້ນທີ່ປັດຈະບັນທີ່ກໍາລັງຄົ້ນຫາ ຊຶ່ງໃນອະນາຄົດອາດຈະຄົ້ນຫາໃນພື້ນທີ່ ທີ່ເໜືອຂຶ້ນໄປອີກ ໂດຍການຄົ້ນຫາໃນພື້ນທີ່ 120,000 ຕາຕາລາງກິໂລແມັດ ກໍາລັງຈະມີຂຶ້ນ ໃນມະຫາສະໝຸດອິນເດຍ ທັງນີ້ ຍັງບໍ່ພົບຊິ້ນສ່ວນຂອງເຄື່ອງບິນລໍາດັງກ່າວ ແລະການຄົ້ນຫາຈະຢຸດຕິຊ່ວງຕົ້ນປີ 2017 ຊຶ່ງບາງຊິ້ນສ່ວນຖືກຢືນຢັນວ່າເປັນຂອງເຄື່ອງບິນ MH370 ຖືກພົບບໍລິເວນແຄມຝັ່ງ ອາຟຣິກັນ ແລະເກາະໃນມະຫາສະໝຸດອິນເດຍ ໂດຍຊາວບ້ານ ແນວໃດກໍຕາມ ລັດຖະບານອ໋ອດສະເຕເລຍ, ຈີນ ແລະມາເລເຊຍ ຕົກລົງທີ່ຈະຢຸດຕິຄວາມຮ່ວມມືໃນການຄົ້ນຫາ ໂດຍອະທິບາຍວ່າຂາດຂໍ້ມູນໃໝ່ທີ່ໜ້າເຊື່ອຖືໃນການປະຕິບັດການຄົ້ນຫາ.