- ນໍ້າໝາກພ້າວ: ເນື່ອງຈາກວ່ານໍ້າໝາກພ້າວຈະມີລົດຫວານຕາມທໍາມະຊາດ ແລະບໍ່ມີສານໃຫ້ຄວາມຫວານທຽມ ນອກຈາກນີ້ຍັງເປັນແຫຼ່ງໂພແທກຊຽມ ຊຶ່ງຄົນສ່ວນໃຫຍ່ມັກຈະຂາດ ຊຶ່ງເກີດຈາກການກິນຜັກ ແລະໝາກໄມ້ບໍ່ພຽງພໍ ແນວໃດກໍຕາມຂໍ້ດີຂອງນໍ້າໝາກພ້າວ ທີ່ມີຕໍ່ຜິວພັນ ຄືການອຸດົມໄປດ້ວຍສານຕ້ານອະນຸມຸນອິດສະລະ ຊຶ່ງຊ່ວຍຢັບຢັ້ງຂະບວນການທີ່ເຮັດໃຫ້ຜິວແກ່ກ່ອນໄວ ລ່າສຸດໄດ້ມີການຄົ້ນພົບສານອາຫານໃນນໍ້າໝາກພ້າວທີ່ມີປະໂຫຍດໃນການແພດເຊັ່ນ: ໄຟໂຕຮອກໂມນ ຫຼືຮອກໂມນພືດ ແລະໜຶ່ງໃນນັ້ນມີຊື່ວ່າທຣານຊີເອຕິນ ຊຶ່ງມີຄຸນສົມບັດຕໍ່ຕ້ານຮອຍຫ່ຽວ ແລະຊ່ວຍຮັກສາຄວາມອ່ອນເຍົາ.
- ຊາຂຽວ: ເນື່ອງຈາກຄາເຟອີນເຮັດໃຫ້ຮ່າງກາຍຂາດນໍ້າ ເຮົາຈຶ່ງຄວນກໍາຈັດປະລິມານການບໍລິໂພກກາເຟ ແຕ່ຊາຂຽວອຸດົມໄປດ້ວຍໂພລີຟີນ ຊຶ່ງເປັນສານຕ້ານອະນຸມຸນທີ່ມີສັບພະຄຸນຕ້ານການອັກເສບ ແລະຕ້ານມະເຮັງ ມີການສຶກສາໜຶ່ງຫຼັກຖານວ່າສານ EGCG ໃນໃບຊາຂຽວອາດຊ່ວຍປິ່ນປົວພະຍາດຜິວໜັງບາງຊະນິດໄດ້ເຊັ່ນ ພະຍາດສະເກັດເງິນ, ພະຍາດສິວໜ້າແດງ ແລະຮ່ອຍຫ່ຽວ ນອກຈາກມີສານໂພລີຟີນຍັງມີຄຸນສົມບັດປ້ອງກັນອັນຕະລາຍ ແລະຊ່ອມແຊມສ່ວນທີ່ເສຍຫາຍຈາກແສງແດດ ແລະການດື່ມຊາຂຽວກໍຊ່ວຍປ້ອງກັນຄວາມເສຍຫາຍຈາແສງແດດໄດ້ຢ່າງມີປະສິດທິຜົນ.
- ນໍ້າຜັກ ແລະໝາກໄມ້ສະກັດເຢັນ ເປັນອີກວິທີໜຶ່ງທີ່ຊ່ວຍເຕີມສາອາຫານທີ່ມີປະໂຫຍດເຂົ້າໄປໃນຮ່າງກາຍ ນໍ້າຜັກ-ໝາກໄມ້ສະກັດເຢັນແຕກຕ່າງຈາກນໍ້າໝາກໄມ້ຊະນິດອອື່ນໆບ່ອນທີ່ວ່າບໍ່ມີນໍ້າຕານ, ບໍ່ຜ່ານຂະບວນການຄວາມຮ້ອນ ແລະແປຮູບຫຼາຍເກີນໄປ ມີສານອາຫານຫຼາຍກວ່າເຊັ່ນ: ວິຕາມິນ, ເກືອແຮ່ ແລະເອັນໄຊ ແນວໃດກໍຕາມຄຸນຄ່າທາງປົກກະຕິຜັກ ຫຼືໝາກໄມ້ສ່ວນໃຫຍ່ກໍອຸດົມໄປດ້ວຍວິຕາມິນຕ່າງໆ ວິຕາມິນຊີ ແລະສານຕ້ານອະນຸມຸນອິດສະລະທີ່ຊ່ວຍບໍາລຸງເຊວຜິວ.