spot_img
Homeຂ່າວຕ່າງປະເທດເລຂາທິການໃຫຍ່ UN ປະນາມອິດສະລາແອນ ຖະຫຼົ່ມໂຮງຮຽນໃນກາຊາ ປຽບພວກອາຊະຍາກອນ

ເລຂາທິການໃຫຍ່ UN ປະນາມອິດສະລາແອນ ຖະຫຼົ່ມໂຮງຮຽນໃນກາຊາ ປຽບພວກອາຊະຍາກອນ

Published on

557000009103801

 

ທ່ານ ບັນກີມູນ ເລຂາທິການໃຫຍ່ອົງການສະຫະປະຊາຊາດ ກ່າວໃນວັນອາທິດທີ 3 ສິງຫາຜ່ານມາ

ປະນາມການກໍ່ເຫດໂຈມຕີຂອງອິດສະລາແອນ ໃນໂຮງຮຽນພື້ນທີ່ໃນເຂດກາຊາວ່າ ບໍ່ແຕກຕ່າງ

ຈາກພຶດຕິກຳຂອງພວກອາຊະຍາກອນ ພ້ອມຮຽກຮ້ອງໃຫ້ມີການນຳຕົວຜູ້ຢູ່ເບື້ອງຫຼັງການໂຈມ

ຕີດັ່ງກ່າວ ເຊິ່ງລະເມີດກົດໝາຍລະຫວ່າງປະເທດ ແລະ ຫຼັກການສາກົນ ວ່າດ້ວຍມະນຸດສະທຳ

ມາຮັບໂທດ.

 

ຄຳຖະແຫຼງຂອງທ່ານ ບັນກີມູນ ລະບຸວ່າ ການລະດົມຍິງຖະຫຼົ່ມໂຮງຮຽນໃນພື້ນທີ່ເມືອງລາຟາ

ທາງຕອນໃຕ້ຂອງເຂດກາຊາ ທີ່ສົ່ງຜົນເຮັດໃຫ້ມີພົນລະເຮືອນເສຍຊີວິດຢ່າງໜ້ອຍ 10 ຄົນນັ້ນ

ຖືເປັນພຶດຕິກຳທີ່ໂຫດຫ້ຽມໄຮ້ມະນຸດສະທຳ ບໍ່ແຕກຕ່າງຈາກການກະທຳຂອງພວກອາຊະຍາ

ກອນ ແລະ ປະນາມກອງກຳລັງປ້ອງກັນຕົນເອງຂອງອິດສະລາແອນ ທີ່ຍັງຄົງເດີນໜ້າຖະຫຼົ່ມ

ໂຮງຮຽນແຫ່ງນີ້ ທີ່ເປັນບ່ອນພັກພິງຂອງຜູ້ອົບພະຍົບໜີໄພຈາກການສູ້ຮົບຂອງຊາວປາເລດ

ຕິນຈຳນວນ 3,000 ກ່ວາຄົນ ທັງໆທີ່ຝ່າຍອິດສະລາແອນ ໄດ້ຮັບແຈ້ງນັບຄັ້ງບໍ່ຖ້ວນ ເຖິງທີ່ຕັ້ງ

ຂອງໂຮງຮຽນແຫ່ງນີ້.

 

ທ່າທີລ່າສຸດຂອງເລຂາທິການໃຫຍ່ອົງການສະຫະປະຊາຊາດ ໄດ້ມີຂຶ້ນຫຼັງຈາກທີ່ການສູ້ຮົບລະ

ຫວ່າງອິດສະລາແອນກັບກຸ່ມຮາມັສ ດຳເນີນຕໍ່ເນື່ອງເຂົ້າສູ່ວັນທີ 27 ແລະ ສົ່ງຜົນເຮັດໃຫ້ມີຜູ້

ເສຍຊີວິດທີ່ສ່ວນໃຫຍ່ເປັນພົນລະເຮືອນຊາວປາເລດຕິນ ໃນພື້ນທີ່ເຂດກາຊາ ສັງເວີຍໃຫ້ແກ່

ສົງຄາມໄປແລ້ວຢ່າງໜ້ອຍ 1,772 ຄົນ.

 

ທັງນີ້ ໂຮງຮຽນແຫ່ງດັ່ງກ່າວ ເຊິ່ງຖືກອິດສະລາແອນໂຈມຕີທາງອາກາດ ຈົນມີຜູ້ເສຍຊີວິດຢ່າງ

ໜ້ອຍ 10 ຄົນ ແລະ ໄດ້ຮັບບາດເຈັບອີກກ່ວາ 30 ຄົນ ໃນວັນອາທິດທີ 3 ສິງຫາ ຜ່ານມານັ້ນ

ຖືກລະບຸວ່າ ເປັນສະຖານສຶກສາທີ່ມີອົງການສະຫະປະຊາຊາດ ເປັນຜູ້ດຳເນີນການ ແລະ ມີທີ່ຕັ້ງ

ຢູ່ທາງຕອນໃຕ້ຂອງເຂດກາຊາ.

 

 

 

 

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...