ເກີດເຫດລະເບີດທີ່ໂຮງຮຽນອຸດສາຫະກຳແຫ່ງໜຶ່ງ ໃນພາກຕາເວັນອອກຂອງຈີນ ເປັນເຫດໃຫ້ມີຜູ້

ເສຍຊີວິດແລ້ວເຖິງ 65 ຄົນ ແລະ ມີຜູ້ໄດ້ຮັບບາດເຈັບອີກນັບຮ້ອຍກ່ວາຄົນ.

ສຳນັກຂ່າວຕ່າງປະເທດລາຍງານວ່າ ເກີດເຫດລະເບີດທີ່ໂຮງຮຽນອຸດສາຫະກຳແຫ່ງໜຶ່ງ ໃນເມືອງຄຸນ

ຊານ ແຂວງຈຽງຊູ ທາງພາກຕາເວັນອອກຂອງປະເທດຈີນ ໃນຕອນເຊົ້າຂອງວັນເສົາທີ 2 ສິງຫາຜ່ານ

ມາ ເປັນເຫດເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 65 ຄົນ ແລະ ມີຜູ້ໄດ້ຮັບບາດເຈັບອີກຫຼາຍກ່ວາ

100 ຄົນ.

ສະຖານີໂທລະພາບຊີຊີທີວີຂອງລັດຖະບານຈີນລະບຸວ່າ ໂຮງງານດັ່ງກ່າວເປັນຂອງບໍລິສັດ Zhongrong

Plating ເຊິ່ງເປັນບໍລິສັດຢູ່ຜະລິດຊິ້ນສ່ວນລົດຍົນ ມີກຳມະກອນປະມານ 450 ຄົນ ເຊິ່ງເຫດລະເບີດ

ເກີດຂຶ້ນໃນສ່ວນຂອງໂຮງງານຂັດແຕ່ງລໍ້ແມັກລົດຍົນ ທີ່ມີກຳມະກອນຫຼາຍກ່ວາ 200 ຄົນ ຢູ່ພາຍໃນ

ໂຮງງານໃນເວລາເກີດເຫດ ເຮັດໃຫ້ເກີດມີຜູ້ເສຍຊີວິດຈາກການຖືກໄຟໄໝ້ ແລະ ໄດ້ຮັບບາດເຈັບຈຳ

ນວນຫຼວງຫຼາຍ.

ທັງນີ້ ຍັງບໍ່ທັນຮູ້ໄດ້ຢ່າງຊັດເຈນເຖິງສາເຫດຂອງການລະເບີດດັ່ງກ່າວ ແຕ່ອຸບັດເຫດໃນໂຮງງານອຸດ

ສາຫະກຳຂອງຈີນ ເກີດຂຶ້ນຫຼາຍຄັ້ງຈົນເກືອບເປັນເລື່ອງປົກກະຕິ ເນື່ອງຈາກຄວາມບໍ່ເຂັ້ມງວດດ້ານ

ມາດຕະຖານຄວາມປອດໄພ, ເຖິງຢ່າງໃດກໍຕາມ ຕົວເລກອຸບັດເຫດໃນຊ່ວງຫຼາຍປີທີ່ຜ່ານມາ ສະແດງ

ໃຫ້ເຫັນວ່າ ຈີນມີການພັດທະນາມາດຕະຖານຄວາມປອດໄພໃນບ່ອນເຮັດວຽກຫຼາຍຂຶ້ນກ່ອນເກົ່າ.