ສະໄຫມພະເຈົ້າຈີນຊີຮ້ອງເຕ້ ແຫ່ງຈີນ ຜູ້ສ້າງກຳແພງໃຫຍ່ຂອງປະເທດຈີນ ອັນມີຄວາມຍາວເຖີງ 10.000ລີ້ “ລີ້ຫນື່ງເທົ່າກັບ500ແມັດ“ ໄດ້ຍົກທັບໄປຕີນະຄອນປາ ເມື່ອປີ ພສ 205 ແລະ ຕີນະຄອນງ້ຽວ ເມື່ອປີ ພສ 205 ຄົນລາວທັງສອງເມືອງແຕກອອກຈາກນະຄອນປາ ແລະ ນະຄອນງ້ຽວກໍມຸ່ງຫນ້າລົງສູ່ໃຕ້ ມີຄົນລາວຈຳນວນຫນື່ງຫນີອອກຈາກເມືອງເສສວນລົງໄປສົມທົບລວມເຂົ້າກັນ ແລ້ວກໍພ້ອມກັນສ້າງເມືອງຂື້ນໃຫມ່ຢູ່ທາງທິດໃຕ້ຊື່ວ່າເມືອງ “ເພງາຍ“ ນະທີ່ນະຄອນເພງາຍນັ້ນເອງ ພໍສ້າງນະຄອນສຳເລັດແລ້ວ ພວກຄົນລາວໄດ້ເຕົ້າໂຮມແລະປຶກສາຫາລືນຳກັນ ເພື່ອຈັດຕັ້ງຂື້ນເປັນຜູ້ປົກຄອງຄົນລາວ ເພື່ອເຕົ້າໂຮມຄົນລາວໃຫ້ເປັນເປິກແຜ່ນ ແລະ ແຕ່ງຕັ້ງໃຫ້ເປັນ ຜູ້ປົກຄອງຄົນລາວ ຄື “ຂຸນເມັງ ຫລື ຂຸນເມືອງ“ ອັນເປັນຜູ້ປົກຄອງຄົນລາວຜູ້ທຳອິດ ໃນປີ ພສ 320 (ກ່ອນຄຣິດຕະສັກກະຣາດ)
ໃນສະໄຫມນັ້ນ ພະເຈົ້າແຜ່ນດິນ ຊົງພະນາມວ່າ “ວູ່ຕີ້“ ໄດ້ແຕ່ງຕັ້ງໃຫ້ທູດຄະນະຫນື່ງໄປສືບເບີ່ງ ພຸທທະສາສະຫນາ ໃນປະເທດອິນເດຍ ທູດຈີນຄະນະນັ້ນຈະຕ້ອງໄດ້ເດີນທາງຜ່ານນະຄອນເພງາຍ ເຈົ້າຂຸນເມືອງບໍ່ຍອມໃຫ້ຜ່ານໄປ ເພາະສົງໄສວ່າຈະແມ່ນພວກສອດແນມຂອງຈີນ ພະເຈົ້າ ວູ້ຕີ່ ຄຽດຫລາຍ ຈື່ງຍົກທັບໄປຕີ ນະຄອນເພງາຍ ຂຸນເມືອງໄດ້ທຳການຕໍ່ສູ້ຢູ່ຫລາຍປີ ສຸດທ້າຍກໍຕົກເປັນເມືອງຂື້ນຂອງຈີນໃນປີ ພສ 456
ຮູບພາບປະກອບ:ມໍລະດົກລ້ານຊ້າງ
ຂຽນໂດຍ:ນາງ ສາຍວາລິນ ບໍລະວົງ
ແຫລ່ງຂໍ້ມູນຈາກເພສ: ບູຮານຄະດີແລະປະຫວັດສາດລາວ
ຕິດຕາມນານາສາລະ ກົດໄລຄ໌ເລີຍ!