ລັດເຊຍ ເລັ່ງຂະຫຍາຍລາດຕະເວນ ແລະທົດສອບຂີປະນາວຸດປີໜ້າເພີ່ມອີກ ສ່ຽງເຮັດສະຖານະການຄວາມຕຶງຄຽດເພີ່ມ.

ອີງຕາມສໍານັກຂ່າວຕ່າງປະເທດລາຍງານວັນທີ 15 ທັນວາຜ່ານມານີ້ວ່າ: ລັດເຊຍຈະຂະຫຍາຍການລາດຕະເວນລະບົບຂີປະນາວຸດໃນພື້ນທີ່ຢຸໂຣບ ໃນສ່ວນຂອງລັດເຊຍຈະເພີ່ມການທົດສອບຂີປະນາວຸດໃນປີ 2017 ເພີ່ມອີກເປັນເທົ່າຕົວ ຕາມທີ່ສື່ທ້ອງຖິ່ນລາຍງາຍ ຊຶ່ງຈາກແຜນການດັງກ່າວມີແນວໂນ້ມຈະສົ່ງຜົນຕໍ່ຄວາມສໍາພັນລະຫວ່າງລັດເຊຍ ແລະຕະເວັນຕົກ ທີ່ປັດຈຸບັນຢູ່ໃນລະດັບບໍ່ຄ່ອຍດີ ໃຫ້ຮ້າຍແຮງລົງອີກໃນອະນາຄົດ ຂະນະໃນວັນທີ 14 ທັນວາທີ່ຜ່ານມາ ເຢຍລະມັນ ແລະຝຣັ່ງເສດຮຽກຮ້ອງໃຫ້ສະມາຊິກສະຫະພາກຢຸໂຣບຊາດອື່ນໆ ອອກມາຄວໍ່າບາດລັດເຊຍອີກຄັ້ງ ໂທດລັດຖະບານທີ່ຍັງໜຸນຫຼັງກຸ່ມແບ່ງແຍກດິນແດນໃນພາກຕະເວັນອອກຂອງຢູເຄຣນ ແລະເປັນຕົ້ນເຫດລະເມີດຂໍ້ຕົກລົງຢຸດຍິງດ້ວຍ.