ໃຜທີ່ກຳລັງຜິດຫວັງກັບຊີຣີ Resident Evil ພາກຄົນສະແດງທີ່ຈະສາຍໃນປີໜ້ານີ້ຄົງຕ້ອງຄິດກັນໃໝ່ແລ້ວ ເພາະຫຼ້າສຸດນີ້ທາງ Capcom ໄດ້ອອກມາປະກາດມື້ສາຍຮູບເງົາເລື່ອງ Resident Evil: Vendetta ເຊິ່ງເປັນຮູບເງົາ CG ແອນິເມຊັ່ນພາກທີ 3 ຂອງຊີຣີຕໍ່ຈາກ Degeneration (2008) ແລະ Damnation (2012). ໂດຍກຳນົດສາຍແມ່ນເລີ່ມຈາກປະເທດຍີ່ປຸ່ນກ່ອນໝູ່ ໃນວັນທີ 27 ພຶດສະພາ 2017.
ພ້ອມກັນນີ້ກໍຍັງມີການເປີດເຜີຍໂຕລະຄອນໃໝ່ 2 ຄົນ ແລະ 1 ໃນນັ້ນກໍຄື: ຣີເບກກ້າ ເຊມເບີ້ (Rebecca Chambers) ອະດີດເຈົ້າໜ້າທີ່ໜ່ວຍ S.T.A.R.S. ທີມບຣາໂວ້ທີ່ເຄີຍມີບົດບາດໃນເກມ Resident Evil 0 ແລະ 1 ມາກ່ອນ, ສ່ວນອີກ 1 ໂຕລະຄອນຈະເປັນຊາຍເລິກລັບທີ່ຄາດກັນວ່າໜ້າຈະເປັນວາຍຮ້າຍປະຈຳຮູບເງົາເລື່ອງນີ້.
ສຳລັບປະເທດລາວເຮົາຄົງຕ້ອງຖ້າໃຫ້ມີການປະກາດຢ່າງເປັນທາງການຈາກ Capcom ກ່ອນວ່າຈະເຂົ້າສາຍຢູ່ໄທມື້ໃດ ແຕ່ຜູ້ຂຽນຄາດວ່າໜ້າຈະເຂົ້າລາວຊ້າຄືກັບເລື່ອງ Your Name ຫັ້ນແຫຼະ
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station