spot_img
Homeຂ່າວທ້ອງຖິ່ນເຈົ້າເມືອງຮຸນເຜີຍ ມີຫລາຍບໍລິສັດ ສົນໃຈລົງທຶນສຳປະທານ ພັດທະນາແຫລ່ງທ່ອງທ່ຽວຕາດຕະແລ

ເຈົ້າເມືອງຮຸນເຜີຍ ມີຫລາຍບໍລິສັດ ສົນໃຈລົງທຶນສຳປະທານ ພັດທະນາແຫລ່ງທ່ອງທ່ຽວຕາດຕະແລ

Published on

ວິທະຍຸກະຈາຍສຽງແຫ່ງຊາດລາວ ຫລື ວສລ ໄດ້ເຜີຍແຜ່ຜ່ານທາງເຟສບຸກ ໃນວັນທີ 15 ທັນວານີ້ວ່າ ປັດຈຸບັນນີ້ ມີຫລາຍບໍລິສັດທັງພາຍໃນ ແລະ ຕ່າງປະເທດ ໃຫ້ຄວາມສົນໃຈຢາກເຂົ້າໄປລົງທຶນ ພັດທະນາຕາດຕະແລ ຢູ່ເມືອງຮຸນ ແຂວງ ອຸດົມໄຊ ເພື່ອໃຫ້ກາຍເປັນສະຖານທີ່ທ່ອງທ່ຽວທາງທຳມະຊາດ ທີ່ໄດ້ຮັບຄວາມນິຍົມສູງຈາກ ນັກທ່ອງທ່ຽວທັງພາຍໃນ ແລະ ຕ່າງປະເທດ.

ທ່ານ ບຸນຄົງ ຫລ້າຈຽມພອນ ເຈົ້າເມືອງຮຸນ ແຂວງອຸດົມໄຊ ໄດ້ລະບຸວ່າ ບໍລິສັດທີ່ໃຫ້ຄວາມສົນໃຈຢາກພັດທະນາຕາດຕະແລ ມີທັງບໍລິສັດຈາກ ສ.ປ ຈີນ, ໄທ ແລະ ນັກລົງທຶນພາຍໃນປະເທດ ແຕ່ປັດຈຸບັນຍັງບໍ່ທັນມີບໍລິສັດໃດ ໄດ້ຮັບອະນຸຍາດໃຫ້ລົງທຶນສຳປະທານເທື່ອ ເພາະຍັງຢູ່ໃນການພິຈາລະນາຈາກພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງອຸດົມໄຊ ເນື່ອງຈາກຕ້ອງການກວດກາໃຫ້ລະອຽດວ່າ ບໍລິສັດທີ່ສະເໜີຂໍເຂົ້າມາລົງທຶນສຳປະທານ ມີຄວາມສົນໃຈຢາກພັດທະນາສະຖານທີ່ແຫ່ງນີ້ແທ້ ຫລື ບໍ່.

ຕາດຕະແລ ມີທີ່ຕັ້ງຢູ່ຫ່າງຈາກເທດສະບານເມືອງຮຸນ ປະມານ 20 ກວ່າກິໂລແມັດ ການເຂົ້າເຖິງຍັງເປັນເສັ້ນທາງດິນແດງ, ຈຸດເດັ່ນຂອງຕາດນີ້ ມີຄວາມສວຍສົດງົດງາມທາງທຳມະຊາດ ອ້ອມຮອບດ້ວຍປ່າດົງດິບ ແລະ ປ່າເຄິ່ງດົງດິບ ທີ່ມີຕົ້ນໄມ້ໃຫຍ່ນ້ອຍ ທີ່ມີໃບດົກໜາຂຽວງາມ ແລະ ເຕັມໄປດ້ວຍນົກນາໆຊະນິດ, ນ້ຳຕົກຕາດແຫ່ງນີ້ມີທັງໝົດ 7 ຕາດດ້ວຍກັນ, ມີທັງຕາດໃຫຍ່, ຕາດນ້ອຍຢັ່ງຢາຍໄປ ຕາມສາຍນ້ຳຕະແລ ຍາວປະມານ 600 ກວ່າແມັດ.

15541324_1700910253552862_4440988209672328502_n

15319314_1700910220219532_647775501397063281_n
ທ່ານ ບຸນຄົງ ຫລ້າຈຽມພອນ ເຈົ້າເມືອງຮຸນ

 

 
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...