ສຳນັກຂ່າວຕ່າງປະເທດ ລາຍງານໃນວັນທີ 14 ທັນວາຜ່ານມານີ້ວ່າ ສະຖານະການຢູ່ເມືອງອະເລບໂປ ປະເທດຊີຣີ ກັບຄືນເຂົ້າສູ່ສະພາວະເຄັ່ງຕຶງອີກເທື່ອໜຶ່ງ ພາຍຫລັງເກີດມີການປະທະກັນຢ່າງດຸເດືອດ ລະຫວ່າງກອງກຳລັງທະຫານ ກອງທັບລັດຖະບານຊີຣີ ແລະ ຝ່າຍກະບົດ ໂດຍໄດ້ມີການລະດົມຍິງປືນໃຫຍ່ ໃສ່ບໍລິເວນພາກຕາເວັນອອກຂອງເມືອງຢ່າງໜັກໜ່ວງ ອັນເຮັດໃຫ້ຂໍ້ຕົກລົງຢຸດຍິງ 3 ຝ່າຍ ຊຶ່ງໄດ້ບັນລຸກັນໄດ້ພຽງ 1 ວັນ ເພື່ອໃຫ້ພົນລະເຮືອນອົບພະຍົບອອກຈາກພື້ນທີ່ ຖືກທຳລາຍຢ່າງສິ້ນເຊີງ.

ທັງນີ້ ເມື່ອວັນທີ 13 ທັນວາຜ່ານມາ ຄະນະຜູ້ແທນ 3 ຝ່າຍ ໄດ້ແກ່ຝ່າຍກະບົດຕໍ່ຕ້ານລັດຖະບານຊີຣີ, ຣັດເຊຍ ແລະ ຕວກກີ ໄດ້ບັນລຸຂໍ້ຕົກລົງຢຸດຍິງ ແລະ ອົບພະຍົບປະຊາຊົນ ອອກຈາກເມືອງອະເລບໂປ ພາຍຫລັງທີ່ກອງທັບຊີຣີ ພາຍໃຕ້ການສະໜັບສະໜູນຂອງຣັດເຊຍ ແລະ ພັນທະມິດ ໄດ້ເປີດສາກບຸກໂຈມຕີ ເພື່ອປົດປ່ອຍເມືອງດັ່ງກ່າວ ຢ່າງໜັກໜ່ວງຕະຫລອດຫລາຍວັນທີ່ຜ່ານມາ.

ຕິດຕາມເຮົາທາງFacebook ກົດຖືກໃຈເລີຍ!