ວ່າທີ່ປະທານາທິບໍດີສະຫະລັດ ປະກາດເລືອດສາວນ້ອຍຈາກເວທີກັອດທາເລັ້ນທ໌ ຂຶ້ນຮ້ອງເພງໃນວັນພິທີຮັບ-ມອບຕໍາແໜ່ງຂອງຕົນເອງເດືອນໜ້າ.
ອີງຕາມສໍານັກຂ່າວຕ່າງປະເທດລາຍງານວັນທີ 15 ທັນວານີ້ວ່າ: ໂດນັນ ທຣັມ ວ່າທີ່ປະທານາທິບໍດີສະຫະລັດ ເຜີຍຊື່ຜູ້ທີ່ຈະທໍາການສະແດງ ໃນພິທີຮັບຕໍາແໜ່ງຂອງຕົນເອງແລ້ວ ໂດຍວ່າທີ່ຜູ້ນໍາສະຫະລັດເລືອກ ແຈ໊ກກີ້ ອີວານໂຄ ສາວນ້ອຍ ນັກຮຽນຮ້ອງເພງຄຣາດສິກ ໄວ 16 ປີ ທີ່ມາຈາກການເວທີອະເມລິກັນ ກ໊ອດທາເລັ້ນທ໌.
ທັງນີ້ ຂໍ້ມູນດັ່ງກ່າວຖືກເປີດເຜີຍທະວິດເຕີຣ໌ຂອງ ໂດນັັນ ທຣັມ ໂດຍຜູ້ຊ່ວຍຂອງ ທຣັມ ເອງ ເມື່ອວັນທີ 14 ທັນວາຜ່ານມາ ໂດຍມີເຫດຜົນວ່າ ແຈ໊ກກີ້ ເປັນແຮງນັນດານໃຈຂອງຊາວອະເມລິກັນທຸກຄົນ ຂະນະທີ່ແຈ໊ກກີ້ ບອກກັບສື່ເອັນບີຊີວ່າ ຕື່ນເຕັ້ນ ແລະເປັນເລື່ອງສຸດຍອດ ແະລຮູ້ສຶກເປັນກຽດຫຼາຍ ທີ່ໄດ້ເຮັດໜ້າທີ່ນີ້ ແນວໃດກໍຕາມ ຈາກປະຫວັດເກົ່າ ສາວນ້ອຍແຈ໊ກກີ້ ເຄີຍຮ້ອງເພງສະແດງທີ່ນະຄອນວໍຊິງຕັນ ດີຊີ ເມື່ອປີ 2010 ຕໍ່ໜ້າ ບາລັກ ໂອບາມາ ປະທານາທິບໍດີສະຫະລັດມາແລ້ວ.
ນອກຈາກນີ້ ຍັງມີລຸ້ນວ່າ ຄານຢ່າ ເວສຕ໌ ນັກຮ້ອງຊື່ດັງອາດຈະໄດ້ຂຶ້ນເວທີສະແດງ ໃນພິທີຮັບ-ມອບຕໍາແໜ່ງຂອງ ທຣັມ ໃນວັນທີ 20 ມັງກອນ 2017 ທີ່ຈະມາເຖິງນີ້.