- ຂີ້ມິ້ນ+ນົມສົດ: ບົດຂີ້ມິ້ນໃຫ້ລະອຽດປະສົມກັບນົມສົດໃຫ້ໄດ້ເນື້ອຄີມ ໃຊ້ຂັດໄດ້ທັງຜິວໜ້າ ແລະຜິວກາຍ ຂັດແລ້ວປະໄວ້ປະມານ 15-30 ນາທີ ຈຶ່ງລ້າງອອກ.
- ກາກກາເຟ+ນົມສົດ+ນໍ້າຕານຊາຍແດງ ປະສົມກັນ
- ນໍ້າຕານຊາຍແດງ+ນໍ້າມັນໝາກກອກ ປະສົມກັນ
- ເກືອ+ນໍ້າໝາກນາວ: ສໍາຫຼັບໜ້າມັນ
- ໝາກເລັ່ນໃຫຍ່+ນໍ້າຕານຊາຍ: ບົດໝາກເລັ່ນໃຫຍ່ 2 ໜ່ວຍ ປະສົມນໍ້າຕານຊາຍ ໃຊ້ຂັດ ແລະພອກໜ້າ ແລະຜິວກາຍ
- ໝາກແຕງກວາ+ນໍ້າເຜີ້ງ: ບົດໝາກແຕງກວາໃຫ້ລະອຽດປະສົມກັບນໍ້າເຜີ້ງ 1 ບ່ວງ ຄົນໃຫ້ເຂົ້າກັນ ໃຊ້ໄດ້ທັງຜິວກາຍ ແລະຜິວໜ້າ ພອກໄວ້ປະມານ 15-20 ນາທີ ຈຶ່ງລ້າງອອກ ດີສໍາຫຼັບຄົນຜິວແຫ້ງ
- ນໍ້າຕານຊາຍແດງ+ນໍ້າເຜີ້ງ: ປະສົມກັນໃຫ້ເປັນເນື້ອຄີມໃຊ້ຂັດຜິວ
- ນໍ້າໝາກນາວ+ນໍ້າເຜີ້ງ+ນໍ້າຕານຊາຍແດງ+ນໍ້າມັນໝາກກອກ: ໃຊ້ນໍ້າໝາກນາວປະມານເຄິ່ງຖ້ວຍ, ນໍ້າຕານຊາຍແດງອີກປະມານເຄິ່ງຖ້ວຍ ປະສົມນໍ້າມັນໝາກອກປະມານ 1 ບ່ວງ ແລະນໍ້າເຜີ້ງແທ້ອີກ 1 ບ່ວງ ຄົນໃຫ້ເປັນເນື້ອຄີມໃຊ້ຂັດຜິວ
- ນໍ້າມັນໝາກພ້າວ+ນໍ້າຕານຊາຍ: ເອົານໍ້າມັນໝາກພ້າວອຸ່ນດ້ວຍໄມໂຄເວັບປະມານ 20 ວິນາທີ ແລະລະລາຍກັບນໍ້າຕານຊາຍຂາວ ປະໃຫ້ເຢັນ ແລ້ວເອົາມາຂັດຜິວ
- ນໍ້າເຜີ້ງ+ສາລີ: ບົດສາລີໃຫ້ລະອຽດປະສົມກັບນໍ້າເຜີ້ງ ນໍາມາຂັດໃຫ້ທົ່ວກາຍ
- ໝາກຫຸ່ງສຸກ+ສາລີ+ນໍ້າມັນໝາກກອກ: ໝາກຫຸ່ງສຸກເຄິ່ງໜ່ວຍ ແລະສາລີບົດລະອຽດ 2 ບ່ວງ, ນໍ້າມັນໝາກກອກ 1 ບ່ວງ ປະສົມໃຫ້ເຂົ້າກັນນໍາມາຂັດຜິວ ຂັດທິດລະ 2 ຄັ້ງ
- ໃຍໝາກບວບ ຫຼືໃຍຂັດທໍາມະຊາດ
- ໝາກຫຸ່ງສຸກ+ໂຢເກີດ+ເກືອ: ໝາກຫຸ່ງສຸກເຄິ່ງໜ່ວຍ, ໂຢເກີດລົດທໍາມະຊາດ 1 ຖ້ວຍ ແລະເກືອທະເລ 1 ບ່ວງ ປັ່ນລວມກັນໃຫ້ລະອຽດ ແລ້ວນໍາສ່ວນປະສົມາຂັດຜິວຄ່ອຍໆ ແລ້ວລ້າງອອກດ້ວຍນໍ້າສະອາດ
- ໝາກຂາມປຽກ+ນົມ+ນໍ້າເຜີ້ງ: ໝາກຂາມແຊ່ນໍ້າໃຫ້ມື່ນ ເອົາເປືອກແຂງ ແລະແກ່ນອອກ ປະສົມກັບນົມ ແລະນໍ້າເຜີ້ງ ແລ້ວໃຊ້ຂັດຜິວຄ່ອຍໆ ຈາກນັ້ນຈຶ່ງລ້າງອອກດ້ວຍນໍ້າສະອາດ
- ນໍ້າໝາກຂາມປຽກ+ນໍ້າຕານຊາຍ+ຂີ້ມິ້ນບົດ: ປະສົມທຸກຢ່າງໃຫ້ເຂົ້າກັນ ໃນປະລິມານເທົ່າກັນ ໃຊ້ຂັດຜິວ ແລະພອກປະໄວ້ 20-30 ນາທີ ຈຶ່ງລ້າງອອກ