ກໍ່ຜ່ານກັນໄປແລ້ວສຳລັບການປະກວດເວທີ ນາງສາວງາມເຜົ່າມົ້ງ ປະຈຳປີ 2016-2017 ເຊິ່ງຮອບສຸດທ້າຍໄດ້ຈັດຂຶ້ນເມື່ອວັນທີ 9/12/2016 ທີ່ຜ່ານມາ ທີ່ ບ້ານນາສ້ຽວ ເຂດໜອງພະຍາ-ດົງໂດກ ເມືອງນາຊາຍທອງ ນະຄອນຫລວງວຽງຈັນ ໂດຍປີນີ້ມີສາວງາມເຜົ່າມົ້ງທີ່ສົນໃຈເຂົ້າຮ່ວມການປະກວດເປັນຈຳນວນຫຼາຍ ແລະ ມີຕົວແທນນາງສາວເຜົ່າມົ້ງຈາກຫຼາຍແຂວງເຂົ້າຮ່ວມການປະກວດເຊັ່ນ: ແຂວງຊຽງຂວາງ, ແຂວງ ວຽງຈັນ,ແຂວງບໍລິຄຳໄຊ ແລະ ນະຄອນຫຼວງວຽງຈັນ ເຊິ່ງກໍ່ໄດ້ມີການຄັດເລືອກເອົາພຽງ 20 ນາງສາວ ສຸດທ້າຍ ເພື່ອມາຄົ້ນຫາ ໜຶ່ງດຽວທີ່ຈະໄດ້ຮັບຕຳແໜ່ງນາງສາວງາມເຜົ່າມົ້ງປະຈຳປີ 2016-2017 ແລ້ວໃນທີ່ສຸດຜົນການຕັດສິນຜູ້ທີ່ໄດ້ຮັບຕຳແໜ່ງນາງງາມເຜົ່າມົ້ງ ນາງສາວ ເກົ່າເຊັງ ຢ່າໜໍຕູ້ ໝາຍເລກ 18
ຜູ້ຊະນະເລີດນາງສາວເຜົ່າມົ້ງ ບ້ານນາສ້ຽວ ປະຈຳປີ 2016-2017
ນາງສາວ ເກົ່າເຊັງ ຢ່າໜໍຕູ້ ໝາຍເລກ 18 .
ຮອງອັນດັບ 1 ນາງສາວ ເມລີ ລີບົວຝື .
ຮອງອັນດັບ 2 ນາງສາວ ແສງຕາວັນ ລີເລ່ຍນູ
ບັນເທີງ ກັບ ລາວໂພສຕ໌ ຂໍສະແດງຄວາມຍິນດີກັບນາງສາວທີ່ໄດ້ຮັບຕຳແໜ່ງທັງໜ້ານາງສາວ ເພາະທຸກຄົນມີຄວາມງາມພຽບພ້ອມສົມກັບຕຳແໜ່ງທີ່ໄດ້ ແລະ ແອັດມິນກໍ່ມີບາງຮູບພາບນາງສາວງາມເຜົ່າມົ້ງບາງສ່ວນທີ່ເຂົ້າປະກວດໃນມື້ນັ້ນມາຝາກ ຂໍບອກເລີຍວ່າ ແຕ່ລະນາງຂົນຄວາມງາມຂຶ້ນມາປະຊັນຈົນແໜ້ນເວທີແບບວ່າງາມນີ້ບໍ່ມີໃຜຍອມໃຜແທ້ໆ ແລະ ທີ່ໜ້າສົນໃຈແມ່ນຊຸດຂອງນາງສາວສວມໃສ່ແອັດມິນເຫັນແລ້ວອອນຊອນ ເພາະງາມເປັນເອກະລັກ ເຫັນແລ້ວກໍ່ຢ່າກໃສ່ນຳ ແຕ່ຫຸ່ນຄົງບໍ່ໃຫ້ ເອົາເປັນວ່າບໍ່ເວົ້າຫຍັງຫຼາຍ ເຮົາໄປເບິ່ງຮູບພາບກັນດີກວ່າ
ທີ່ມາຈາກ: Houmphet Manisouk
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!