ອີງຕາມສໍານັກຂ່າວຕ່າງປະເທດລາຍງານໃນວັນທີ 13 ທັນວານີ້ວ່າ: ເມື່ອວັນທີ 9 ທັນວາທີ່ຜ່ານມາ ທີ່ເມືອງອູ່ຮັ່ນ ເມືອງເອກຂອງມົນທົນຫູເປ່ຍ ເກີດເຫດສຸດຊັອກ ເມື່ອເຮືອນ 2 ຊັ້ນທັ້ງຫຼັງຂອງຊາຍແຊ່ສົງຄົນໜຶ່ງຖືກຮື້ຖອນຈົນບໍ່ເຫຼືອຫຍັງເລີຍ ເຄື່ອງຂອງໃຊ້ໃນຄົວເຮືອນ, ເຄື່ອງໃຊ້ໄຟຟ້າ ຜະລິດຕະພັນມູນຄ່າ 6-7 ໝື່ນຢວນ ລວມທັງເຄື່ອງຂອງອື່ນໆ ທັງໝົດທີ່ມີຢູ່ໃນເຮືອນຖືກຖົມຢູ່ໃຕ້ເສດເຮືອນທີ່ຫັກພັງ ຫຼັງລາວອອກຈາກບ້ານໄປຊື້ຂອງກິນເປັນເວລາພຽງເຄິ່ງຊົ່ວໂມງເທົ່ານັ້ນ.
ໂດຍເລຂານຸການສາຂາໝູ່ບ້ານກ່າວວ່າ: ເອກະສານສໍາຄັນໃນການກໍ່ສ້າງຮື້ຖອນຍັງບໍ່ໄດ້ມີການລົງລາຍເຊັ່ນສັນຍາ ຊຶ່ງຜູ້ສື່ຂ່າວໄດ້ຕິດສອບຖາມໄປຍັງຝ່າຍການດໍາເນີນການກໍ່ສ້າງຮື້ຖອນ ແລະໄດ້ຄໍາຕອບກັບມາວ່າ ທາງຝ່າຍກໍ່ສ້າງໄດ້ມີການບອກກ່າວກັບແມ່ ແລະລຸງຂອງຊາຍແຊ່ສົງແລ້ວ
ຊຶ່ງຫຼັງຈາກເລື່ອງລາວດັ່ງກ່າວຖູກເຜີຍແຜ່ອອກມາກໍມີຊາວເນັດຈໍານວນຫຼາຍເຂົ້າໄປສະແດງຄວາມຄິດເຫັນວິພາກວິຈານກັນຕ່າງໆນາໆ ທັງບອກວ່ານີ້ເປັນການທໍາລາຍຊັບສິນສ່ວນບຸກຄົນ ການເຮັດແບບນີ້ຖືວ່າເປັນການລະເມີດສິດທິຂອງຄົນອື່ນ.