“ເປັນຜູ້ຍິງຢ່າຢຸດງາມ” ຄຳໆນີ້ໃຊ້ໃດ້ກັບຜູ້ຍິງໄວ ແມ້ຈະເປັນໃນຊ່ວງຖືພາ ທ່ານກໍ່ບໍ່ຄວນລະເລີຍ ເລື່ອງຄວາມສວຍຄວາມງາມເດີ່ ແຕ່ທ່ານທີ່ກຳລັງຖືພານັ້ນ ມີເລື່ອງດຽວທີ່ຄວນລະວັງຄືຄວາມປອດໄພ.

ໃນຊ່ວງຖືພາຮ່າງກາຍຂອງທ່ານຈະມີການປ່ຽນແປງ ສັງເກດໃດ້ງ່າຍຄືທ່ານຈະມີໜ້າເອິກໃຫຍ່ ຈາກໜ້າເອິກນ້ອຍໆ ກາຍເປັນໜ້າ
ເອິກທີ່ອວບອີ່ມເລີຍທີດຽວ.

ເມື່ອທ່ານຮູ້ໂຕວ່າມີການປ່ຽນແປງຂອງຮູບຮ່າງ ເວລາໃສ່ເສື້ອຜ້າແລ້ວອຶດອັດບໍ່ສະບາຍໂຕ ທຳອິດຕ້ອງປ່ຽນຢ່າງໄວຄືຊຸດຊັ້ນໃນ ເພາະຈະມາໃສ່ຊຸດນ້ອຍໆຄືເມື່ອກ່ອນບໍ່ໃດ້ແລ້ ທ່ານຄວນປ່ຽນທັ້ງເສື້ອໃນແລະສະຫຼິບ ທີ່ສາມາດຂະຫຍາຍໜ້າເອິກຕະຫຼອດ 9 ເດືອນ.

 ດູແລໜ້າເອິກ…ໃນເວລາຖືພາ

ປ່ຽນມາໃສ່ຊຸດຊັ້ນໃນທີ່ພໍກັບຂະໜາດຂອງໜ້າເອິກ ຈະເຮັດໃຫ້ທ່ານບໍ່ອຶດອັດ ຮູ້ສຶກສະບາຍໃນເວລາເຮັດກິດຈະກຳຕ່າງໆໝົດມື້ .
ເພີ່ມຄວາມຊຸ່ມຊື່ນ ໃຫ້ກັບຜິວບໍລິເວນໜ້າເອິກຂອງທ່ານດ້ວຍ ອອຍຫຼືໂລຊັ້ນເພື່ອໃຫ້ຜິວຊຸ່ມຊື່ນ ເພີ່ມຄວາມຊຸ່ມຊື່ນໃຫ້ກັບບໍລິເວນ ໜ້າເອິກທີ່ກຳລັງຂະຫຍາຍຢ່າງໄວ ພ້ອມທັ້ງຍັງຊ່ວຍປ້ອງກັນຜິວແຕກລາຍໃດ້ອີກ.