ໃນຄໍລຳ ຄວາມງາມ ມື້ນີ້ແອັດມິນມີສູດປັບສີຜິວຢູ່ບໍລິເວນຂອງລັບມາຝາກສາວໆ ທີ່ມີສີຜິວບໍ່ສະໝ່ຳສະເໝີບໍລິເວນກົກຂາ ແລະ ບໍລິເວນຈຸດລັບ ເຊິ່ງເລື່ອງນີ້ມັນກໍ່ສ້າງບັນຫານັກໃຈໃຫ້ກັບສາວໆໄດ້ເຊັ່ນດຽວກັນ ໂດຍສະເພາະສາວທີ່ມັກນຸ່ງສັ້ນໆ ຫຼື ສາວທີ່ຢາກນຸ່ງຊຸດລອຍນ້ຳ ແຕ່ຂາດຄວາມໝັ້ນໃຈເພາະສີຜິວບໍລິເວນກົກຂາ ຫາຈຸດຂອງລັບນັ້ນມີສີຜິວໝອງຄ້ຳ ແຕ່ບັນຫານີ້ມີທາງແກ້ ລອງອ່ານສູດທີ່ຈະກ່າວຕໍ່ໄປນີ້ເບິ່ງ ເມື່ອອ່ານແລ້ວກໍ່ລອງເອົາໄປປະຕິບັດເບິ່ງເພື່ອມັນຈະຊ່ວຍໃຫ້ສີຜິວບໍລິເວນນັ້ນຂາວຂຶ້ນມາໄດ້

ສູດທີ 1 ສູດວ່ານຫາງແຂ້ ພຽງຂູດເຈລຈາກວ່ານຫາງແຂ້ແລ້ວນຳມາທາບໍລິເວນທີ່ສີຜິວດ່າງດຳ ປະໄວ້ປະມານ 20 ນາທີ ຈິ່ງລ້າງອອກ ເຮັດເປັນປະຈຳມື້ລະເທື່ອເພື່ອເຮັດໃຫ້ສີຜິວບໍລິເວນນັ້ນຂາວໄວຂຶ້ນ

ສູດທີ 2 ນ້ຳໝາກນາວ ພຽງເອົາສຳລີຈຸ່ມນ້ຳໝາກນາວແລ້ວໄປທາໃສ່ຜິວບໍລິເວນທີ່ດຳ ປະໄວ້ 2 ນາທີ ຫຼັງຈາກນັ້ນກໍ່ລ້າງອອກດ້ວຍນ້ຳອຸ່ນ ສ່ວນນ້ຳໝາກນາວທີ່ຍັງເລືອຈາກການໃຊ້ເບື້ອງຕົ້ນແມ່ນໃຫ້ປະໄວ້ກ່ອນ 10-15 ນາທີ ແລ້ວເອົາໄປປະສົມກັບໂຢເກີດ ປະມານ 1 ບ່ວງແກງ ກັບນ້ຳເຜິ້ງເຄິ່ງບ່ວງຊາ ຈາກນັ້ນກໍ່ຄົນສ່ວນປະສົມໃຫ້ເຂົ້າກັນ ແລ້ວນຳເອົາມາທາໃສ່ບໍລິເວນຜິວໝອງອີກຄັ້ງ ປະໄວ້ອີກ 10 ນາທີ ຈິ່ງລ້າງອອກດ້ວຍນ້ຳທຳມະດາ ເຮັດເປັນປະຈຳອາທິດລະ 2-3 ເທື່ອ ຜິວກໍ່ຈະຂາວ ແລະ ຊຸ່ມຊື່ນຂຶ້ນ

ສູດທີ 3 ໝາກແຕງ ນຳໝາກແຕງມາປັ່ນເອົາແຕ່ນ້ຳ ແລ້ວນຳມາທາບໍລິເວນຜິວຄ້ຳແລ້ວປະໄວ້ 10-15 ຈິ່ງລ້າງອອກດ້ວຍນ້ຳເຢັນ ເຮັດ 2 ເທື່ອຕໍ່ມື້ເພື່ອຜົນລັບທີ່ໄວຂຶ້ນນັ້ນເອງ

ສູດທີ 4 ເປືອກໝາກກ້ຽງ ນຳເປືອກໝາກກ້ຽງມາຕາກແດໃຫ້ແຫ້ງ ຫຼັງຈາກນັ້ນກໍ່ນຳມາບົດໃຫ້ເປັນຜົງ ການປະສົມແມ່ນຜົງເປືອກໝາກກ້ຽງ 1 ບ່ວງແກງ ປະສົມກັບ ໂຢເກິດ 2 ບ່ວງແກງ ເພີ່ມນ້ຳເລັກໜ້ອຍພໍຊຸ່ມໆ ແລ້ວຄົນທຸກຢ່າງເຂົ້າກັນຈາກນັ້ນກໍ່ນຳໄປທາບໍລິເວນຜິວຄ້ຳ ປ່ອຍໄວ້ຈົນຜົງແຫ້ງແລ້ວຈິ່ງລ້າງອອກ ເຮັດອາທິດລະ 2 ເທື່ອ

ສູດທີ 5 ຊອຍໝາກເລັ່ນເປັນປ່ຽງແລ້ວນຳໝາກເລັ່ນທີ່ຊອຍມາຖູເບົາໆໃສບໍລິເວນຜິວທີ່ໝອງຄ້ຳ ປະໄວ້ 10 ນາທີຈິ່ງຄ່ອຍລ້າງອອກ ເຮັດແບບນີ້ເປັນປະຈຳ ຮັບຮອງວ່າຈະຂາວຂຶ້ນຢ່າງເຫັນໄດ້ຊັດ

ຂໍ້ມູນຈາກ: http://www.thlady.com/s/178426