ເມື່ອວັນທີ 11 ທັນວາ 2016 ເຟສບຸກເພສ ສຳຫຼວດໂລກ ໄດ້ເຜີຍພາບສຸດແປກຕາທີ່ເກີດເປັນກະແສຮືຮາໃນໂລກໂຊຊຽວຂອງຍີ່ປຸ່ນ ຫຼັງຈາກມີສາວເຈົ້າຂອງບັນຊີທະວິດເຕີ @pmxpvrtmx ພົບເຫັນກ້ອນເມກຮູບຊົງປະຫຼາດ ລັກສະນະເປັນຊົງກົມຂະໜາດໃຫຍ່ ລອຍເດັ່ນຢູ່ເໜືອບໍລິເວນທ້ອງຟ້າໃນເມືອງ ຟຸຈິຊະວະ ແຂວງຂະນະວະງະ ປະເທດຍີ່ປຸ່ນ ກ່ອນທີ່ນາງຈະຟ້າວບັນທຶກພາບນຳມາໂພສຕລົງທີ່ IG ຂອງນາງ
ພາຍຫຼັງທີ່ນາງໂພສຕຮູບພາບດັ່ງກ່າວ ກໍ່ມີຜູ້ຄົນຈຳນວນຫຼາຍເຂົ້າມາກົດໄລນ໌ ກົດແຊຣ ພ້ອມທັງສະແດງຄວາມຄິດເຫັນຕ່າງໆ ແລະ ກໍ່ພາກັນສົງໃສວ່າມັນຄືປະກົດການຫຍັງແທ້ ໂດຍໄດ້ມີຜູ້ຊ່ຽວຊານບາງຄົນອອກມາເປີດເຜີຍວ່າ ກ້ອນເມກທີ່ພົບນັ້ນຄາດວ່າອາດຈະເປັນຜົນມາຈາກເມກມ້ວນ ແຕ່ທັງນີ້ ສ່ວນຫຼາຍເມກມ້ວນທີ່ເຄີຍພົບຈະມີລັກສະນະເປັນແນວຍາວ ບໍ່ແມ່ນກ້ອນກົມແບບນີ້
ຕິດຕາມຂ່າວເສດຖະກິດລາວ ກົດໄລຄ໌ເລີຍ!