ສຳນັກຂ່າວຕ່າງປະເທດ ລາຍງານໃນວັນທີ 12 ທັນວາຜ່ານມານີ້ວ່າ ກອງທັບລັດຖະບານຊີຣີ ໄດ້ອອກມາເປີດເຜີຍ ໂດຍລະບຸວ່າ ພວກເຂົາສາມາດປົດປ່ອຍພື້ນທີ່ ທາງພາກຕາເວັນອອກຂອງເມືອງອະເລບໂປ ຊຶ່ງຖືກກຸ່ມກະບົດຕໍ່ຕ້ານລັດຖະບານຍຶດຄອງໄວ້ ກັບຄືນມາໄດ້ແລ້ວ 98% ສົ່ງຜົນເຮັດໃຫ້ປັດຈຸບັນ ກຸ່ມກະບົດຍັງເຫລືອພື້ນທີ່ຄອບຄອງ ພຽງແຕ່ 6 ເຂດ ພາຍໃນເມືອງດັ່ງກ່າວນີ້ ຊຶ່ງເຕັມໄປດ້ວຍພົນລະເຮືອນອາໄສຢູ່ ໃນຂະນະທີ່ນັກຮົບຂອງກຸ່ມກະບົດ ກຳລັງຖືກການລະດົມໂຈມຕີຢ່າງໜັກໜ່ວງ.

ທັງນີ້ ການຕໍ່ສູ້ໃນບັ້ນຮົບປົດປ່ອຍເມືອງອະເລບໂປ ໄດ້ເລີ່ມຂຶ້ນນັບຕັ້ງແຕ່ທ້າຍເດືອນພະຈິກທີ່່ຜ່ານມາ ເຮັດໃຫ້ມີພົນລະເຮືອນຊາວຊີຣີ ຈຳນວນຫລາຍແສນຄົນ ພາກັນອົບພະຍົບຈາກພື້ນທີ່ພາກຕາເວັນອອກ ທີ່ກຸ່ມກະບົດຍຶດຄອງຢູ່ ອອກມາສູ່ພື້ນທີ່ພາກຕາເວັນຕົກຂອງເມືອງ ຊຶ່ງເປັນເຂດປົດປ່ອຍຂອງຝ່າຍລັດຖະບານ.

ຕິດຕາມເຮົາທາງFacebook ກົດຖືກໃຈເລີຍ!