ຂປລ. ວັນທີ 9 ທັນວາ 2016 ນີ້ ທີ່ນະຄອນຫລວງວຽງຈັນ ໄດ້ຈັດພິທີ ມອບ-ຮັບ ຫ້ອງທົດລອງພະລັງງານທົດແທນ ແລະ ວັດສະດຸໃໝ່ຂຶ້ນ ໂດຍໃຫ້ກຽດເຂົ້າຮ່ວມ ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະ ເທັກໂນໂລຊີ ສປປ ລາວ, ທ່ານ ຈູ ຫງອກ ແອ້ງ ລັດຖະມົນຕີ ກະຊວງວິທະຍາສາດ ແລະ ເທັກໂນໂລຊີ ສສ ຫວຽດນາມ ມີບັນດາຮອງລັດຖະມົນຕີ, ຫົວໜ້າກົມ, ຮອງກົມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຫ້ອງທົດລອງດັ່ງກ່າວ ເປັນຫ້ອງທົດລອງສຳລັບການຄົ້ນຄ້ວາ ໃຫ້ແກ່ນັກວິຊາການພາຍໃນສະຖາບັນ ເຊິ່ງສະຖາບັນແຫ່ງນີ້ ຍັງຈະໄດ້ວາງແຜນຮ່ວມມື ກັບບັນດາສະຖາບັນການສຶກສາທີ່ກ່ຽວຂ້ອງ ເພື່ອຮັບປະກັນການຄົ້ນຄ້ວາ ສາທິດ-ທົດລອງ ໃຫ້ມີປະສິດຕິຜົນ ໃນອະນາຄົດ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!