ສຳນັກຂ່າວຕ່າງປະເທດ ລາຍງານໃນວັນທີ 11 ທັນວາຜ່ານມານີ້ວ່າ ເກີດເຫດຄົນຮ້າຍວາງລະເບີດ ໂຈມຕີມະຫາວິຫານເຊັນມາກ ຊຶ່ງເປັນມະຫາວິຫານທີ່ໃຫຍ່ທີ່ສຸດຂອງ ນະຄອນຫລວງໄຄໂຣ ປະເທດເອຢິບ ສົ່ງຜົນເຮັດໃຫ້ຊາວຄຣິສຕຽນ ນິກາຍຄອບຕິກ ເສຍຊີວິດຢ່າງໜ້ອຍ 25 ຄົນ ແລະ ບາດເຈັບອີກ 39 ຄົນ ໃນຂະນະທີ່ກຳລັງເຂົ້າຮ່ວມພິທີບູຊາວັນອາທິດ ຊຶ່ງນັບເປັນການໂຈມຕີຄັ້ງນອງເລືອດທີ່ສຸດ ຕໍ່ກັບຊຸມຊົນຊາວຄຣິສຕຽນເອຢິບ ໃນຮອບຫລາຍປີຜ່ານມາ.
ເຫດການໂຈມຕີດັ່ງກ່າວນີ້ ມີຂຶ້ນພາຍຫລັງທີ່ລັດຖະບານເອຢິບ ເປີດບັ້ນກວາດລ້າງກຸ່ມກໍ່ຄວາມບໍ່ສະຫງົບອິດສະລາມຫົວຮຸນແຮງ ພາຍໃນປະເທດ, ແນວໃດກໍຕາມ ຍັງບໍ່ທັນມີກຸ່ມຕິດອາວຸດໃດໆ ອອກມາສະແດງຄວາມຮັບຜິດຊອບ ຕໍ່ກັບເຫດການໂຈມຕີຄັ້ງນີ້.
ຕິດຕາມເຮົາທາງFacebook ກົດຖືກໃຈເລີຍ!