ວັນທີ 08 ທັນວາ 2016 ຜ່ານມານີ້ ພະແນກແຜນການ ແລະ ການລົງທຶນ ແຂວງອັດຕະປື ໄດ້ຈັດພິທີເຊັນບົດບັນທຶກຄວາມເຂົ້າໃຈ (MOU) ກ່ຽວກັບການລົງທຶນສຶກສາຄວາມເປັນໄປໄດ້ ໃນໂຄງການກໍ່ສ້າງພະລັງງານໄຟຟ້າແສງຕາເວັນ ໂດຍໃຫ້ບໍລິສັດ NVALID PRECISION ENGINEERING PTE.LTE ຂອງສິງກະໂປ ດຳເນີນການສຶກສາສໍາຫຼວດຄວາມເປັນໄປໄດ້ຂອງໂຄງການ ຢູ່ເຂດບ້ານຫາດຊັນ ເມືອງໄຊເສດຖາ ແຂວງອັດຕະປື ໃນເນື້ອທີ່ປະມານ 40 ເຮັກຕາ ມີມູນຄ່າວາງຈຳນວນເງີນຄໍ້າປະກັນໃນການລົງສຳຫຼວດ 10.000 ໂດລາສະຫະລັດຯ.
ໂຄງການດັ່ງກ່າວນີ້ ມີຄວາມປາຖະໜາຈະພັດທະນາ ລະບົບໄຟຟ້າແສງຕາເວັນ ຢູ່ແຂວງອັດຕະປື ເພື່ອພັດທະນາແຂວງອັດຕະປື ໃຫ້ເປັນແຂວງອຸດສາຫະກຳ ຕາມກົນໄກຫັນແຫຼ່ງຊັບພະຍາກອນທຳມະຊາດກາຍເປັນທຶນ ສ້າງລາຍຮັບເຂົ້າງົບປະມານຂອງແຂວງໃຫ້ສູງຂຶ້ນໃນອະນາຄົດ, ການຈັດຕັ້ງປະຕິບັດ ແລະ ໄລຍະເວລາສຶກສາສຳຫຼວດຄວາມເປັນໄປໄດ້ໃນເທື່ອນີ້ ເບື້ອງຕົ້ນມີກຳນົດ 18 ເດືອນ ເລີ່ມນັບແຕ່ມື້ເຊັນບົດບັນທຶກຄວາມເຂົ້າໃຈນໍາກັນເປັນຕົ້ນໄປ ສ່ວນຄວາມຄືບໜ້າຂອງໂຄງການນີ້ ທາງພາກສ່ວນກ່ຽວຂ້ອງຍັງຈະໄດ້ມີການລາຍງານຕາມທີຫຼັງ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!