ຄິບວິດີໂອທີ່ຖ່າຍໄດ້ໂດຍບັງເອີນ ເຫດວິນາດກໍາກາງເມືອງອິດຕັນບູລ ຕຸຣກີ ເຜີຍໃຫ້ເຫັນນາທີລະນຶກ ແປວໄຟໃຫຍ່ພຸ່ງຂຶ້ນ ກ່ອນສຽງລະເບີດດັງສະນັ່ນ.
ອີງຕາມສໍານັກຂ່າວຕ່າງປະເທດລາຍງານໃນວັນທີ 12 ທັນວານີ້ວ່າ: ເຫດຮ້າຍລະເບີດຄາຣ໌ບອມທີ່ສະໜາມກີລາໃຈກາງນະຄອນອິດຕັນບູລ ປະເທດຕຸຣກີ ເມື່ອວັນທີ 10 ທັນວ່າທີ່ຜ່ານມາ ກາຍເປັນເຫດກໍ່ການຮ້າຍຄັ້ງຮຸ່ນແຮງລະດັບໂລກອີກຄັ້ງ ຊຶ່ງຂ້າຊີວິດຜູ້ຄົນໄປເຖິງ 29 ຄົນ ແລະບາດເຈັບອີກເກືອບຮ້ອຍຊີວິດ ລ່າສຸດມີການແຊຣຄິບວິດີໂອທີ່ບັງເອີນຖ່າຍຕິດເຫດການລະເບີດເອົາໄວ້ແບບບໍ່ຕັ້ງໃຈ.
ພາບຈາກຄິບທີ່ຖືກແຊຣສົ່ງຕໍ່ໃນໂລກໂຊຊຽວຂອງຕຸຣກີ ຫຼັງຈາກເກີດເຫດລະເບີດຄາຣບອມທີ່ນະຄອນອິດຕັນບູລບໍ່ດົນ ເປັນພາບຂອງຊາຍໜຸ່ມ 2 ຄົນ ກໍາລັງນັ່ງຮ້ອງເພງຫຼິ້ນກີຕາຣ໌ຢູ່ທີ່ສວນສາທາລະນະແຫ່ງໜຶ່ງ ຊຶ່ງຢູ່ຝັ່ງຂ້າມຂອງເມືອງ ບໍລິເວນຊ່ອງແຄບອິດຕັນບູລ.
ລະຫວ່າງທີ່ 2 ຊາຍກໍາລັງຮ້ອງເພງຢູ່ນັ້ນຮ້ອງໃຫ້ໝູ່ທັ້ງສອງຫັນໄປເບິ່ງວ່າ ເມື່ອກີ້ມີແປວໄຟລຸກຂຶ້ນມາ ກ່ອນອີກກີ້ວິນາທີຕໍ່ໄປ ສຽງຈາກແຮງລະເບີດຈະດັງສະນັ່ນຫວັ່ນໄຫວ ເຮັດໃຫ້ພວກເຂົາຕົກໃຈກັບສຽງທີ່ເກີດຂຶ້ນ ໂດຍທີ່ບໍ່ຮູ້ວ່າແມ່ນສຽງຫັຍງ.
ສໍາຫຼັບເຫດລະເບີດດັ່ງກ່າວເກີດຂຶ້ນໃນຊ່ວງເວລາ 22:30 ນາທີ ຂອງວັນທີ 10 ທັນວາ ທາງການຕຸຮກີໄດ້ອອກມາເປີດເຜີຍວ່າ ເຫດລະເບີດເກີດຂຶ້ນຕໍ່ເນື່ອງກັນ 2 ຄັ້ງ ຈຸດທໍາອິດເກີດຂຶ້ນບໍລິເວນສະໜາມກີລາທີ່ຫາກໍມີການແຂ່ງຂັນເຕະບານສໍາເລັດໄປບໍ່ດົນ ສ່ວນອີກຈຸດໜຶ່ງຢູ່ບໍລິເວນສວນສາທາລະນາໃຈກາງເມືອງ ເບື້ອງຕົ້ນເຊື່ອວ່າເປັນລະເບີດຂ້າໂຕຕາຍ