ສຳນັກຂ່າວຕ່າງປະເທດ ລາຍງານໃນວັນທີ 9 ທັນວານີ້ວ່າ ທ່ານ ເຊີເກ ລາບຣອບ ລັດຖະມົນຕີກະຊວງປ້ອງກັນປະເທດຣັດເຊຍ ໄດ້ອອກມາເປີດເຜີຍ ໃນມື້ວານນີ້ (8 ທັນວາ) ວ່າ ກອງທັບຊີຣີ ໄດ້ຢຸດຕິການໂຈມຕີໃນເມືອງອະເລບໂປ ເພື່ອເປີດທາງໃຫ້ແກ່ພົນລະເຮືອນ ອົບພະຍົບອອກມາຈາກພື້ນທີ່ສູ້ຮົບ ໂດຍທ່ານໄດ້ລະບຸວ່າ ປັດຈຸບັນກຳລັງມີຂະບວນຜູ້ອົບພະຍົບ ປະມານ 8,000 ຄົນ ເດີນທາງເປັນໄລຍະທາງ 5 ກິໂລແມັດ ເພື່ອອອກຈາກພື້ນທີ່ດັ່ງກ່າວ ມາສູ່ເຂດທີ່ປອດໄພ.

ທັງນີ້ ເນື່ອງຈາກກອງທັບຊີຣີ ດຳເນີນການໂຈມຕີທາງອາກາດຢ່າງໜັກໜ່ວງ ຕະຫລອດໄລຍະຫລາຍມື້ທີ່ຜ່ານມາ ສົ່ງຜົນເຮັດໃຫ້ຝ່າຍລັດຖະບານຊີຣີ ສາມາດເຂົ້າປົດປ່ອຍພື້ນທີ່ໄດ້ກວ່າ 75% ຂອງເມືອງອະເລບໂປ ແລະ ແກນນຳຂອງຝ່າຍກະບົດ ໄດ້ອອກມາຮຽກຮ້ອງໃຫ້ມີການຢຸດຍິງ ເພື່ອມະນຸດສະທຳເປັນເວລາ 5 ມື້.

 
ຕິດຕາມເຮົາທາງFacebook ກົດຖືກໃຈເລີຍ!