ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ມອດໄຟນະຄອນຫຼວງວຽງຈັນ ໃຫ້ຮູ້ວ່າ: ໃນເວລາປະມານ 19 ໂມງ
ຂອງວັນທີ 29 ກໍລະກົດນີ້ ໄດ້ເກີດເຫດໄຟໄໝ້ເຮືອນເຊົ່າຂອງປະຊາຊົນຢູ່ບ້ານຫັດສະດີ ເມືອງຈັນທະບູລີນະຄອນ
ຫຼວງວຽງຈັນ ທີ່ມີ 6 ຄອບຄົວມາເຊົ່າອາໃສຢູ່ ໄດ້ຮັບຄວາມເສຍຫາຍ, ຂະນະທີ່ຕົ້ນໄຟໄດ້ລຸກໄໝ້ອອກມາຈາກຫ້ອງ
ເຊົ່າຂອງ ທ້າວ ອຳໄຊ ອາ ຍຸ 55 ປີ ອາຊີບຄ້າຂາຍ ແລະ ເຈົ້າໜ້າທີ່ໄດ້ໃຊ້ເວລາເກືອບ 1 ຊົ່ວໂມງ ພ້ອມລົດດັບເພີງ 6
ຄັນ ຈຶ່ງສາມາດຄວບຄຸມໄຟບໍ່ໃຫ້ຂະຫຍາຍອອກເປັນວົງກວ້າງ.
ເຈົ້າໜ້າທີ່ໃຫ້ທັດສະນະວ່າ: ສາເຫດຂອງການເກີດອັກຄີໄພ ອາດແມ່ນຍ້ອນໄຟຟ້າລັດວົງຈອນ ເນື່ອງຈາກວ່າ
ເຮືອນຫຼັງດັ່ງກ່າວໄດ້ສ້າງມາແຕ່ປີ 1968 ແລະ ລະບົບສາຍໄຟເກົ່າແກ່ຊຶ່ງອາດຈະເຮັດໃຫ້ເກີດໄຟຊ໋ອດໄດ້ງ່າຍ.
ເຈົ້າໜ້າທີ່ໃຫ້ຮູ້ວ່າ: ໃນ 6 ເດືອນຕົ້ນປີນີ້ ຢູ່ນະຄອນຫຼວງວຽງຈັນ ມີອັກຄີໄພເກີດຂຶ້ນທັງໝົດ 50 ກວ່າຄັ້ງ, ສົ່ງ
ຜົນເຮັດຮ້ານຂາຍເຄື່ອງ 28 ຮ້ານ, ເຮືອນຫ້ອງແຖວ 10 ຫ້ອງ, ເຮືອນສອງຊັ້ນລຸ່ມກໍ່ເທີງໄມ້ 13 ຫຼັງ, ເຮືອນວິນ
ລາ 7 ຫຼັງ ໄດ້ ຮັບຄວາມເສຍຫາຍ ໂດຍສາເຫດສ່ວນໃຫຍ່ ແມ່ນຍ້ອນໄຟຟ້າລັດວົງຈອນ, ຖັດລົງມາແມ່ນຍ້ອນ
ຈູດປ່າຊະຊາຍ ແລະ ການໄຕ້ທູບທຽນບູຊາ.
ຂອບໃຈຂ່າວຈາກ: http://laophatthananews.blogspot.com/2014/07/blog-post_95.html