ຫຼ້າສຸດນີ້ມີຂ່າວດີສຳລັບຜູ້ໃຊ້ລະບົບ Android ທີ່ເປັນແຟນເກມຂອງຄ້າຍເກມດັງແບບ Rockstar ມາແລ້ວ, ໂດຍຫຼ້າສຸດນີ້ເບິ່ງຄືວ່າຈະມີການປ່ອຍເກມໃໝ່ອອກມາເທິງເວີຊັ່ນມືຖືໃຫ້ເຮົາໄດ້ຫຼິ້ນກັນແລ້ວນັ້ນກໍຄື: Bully: Anniversary Edition. ໂດຍໂຕເກມວາງຈຳໜ່າຍເທິງ Playstore ແລ້ວໃນລາຄາ $6.99 ແລະໃນພາກນນີ້ຈະເປັນການລວມເອົາພາກເກົ່າມາໄວ້ໃນໜຶ່ງດຽວ ພ້ອມທັງເພີ່ມລະບົບ Friend Challenges ເຂົ້າມາເພື່ອຫຼິ້ນ Mini-Games ກັບຜູ້ຫຼິ້ນຄົນອື່ນໆ. ນອກຈາກນີ້ແລ້ວໂຕເກມຍັງໄດ້ອັບກຣາບຟິກມາໃໝ່, ເພີ່ມເງົາແສງ ແລະປັບປຸງລະບົບການຫຼິ້ນໃຫ້ເໝາະກັບໜ້າຈໍສຳຜັດອີກນຳ.
Bully: Anniversary Edition on Playstore
ພລ໋ອດເລື່ອງຂອງເກມ Bully ຈະກ່າວເຖິງ ຈິມມີ້ ຮອບກິ້ນ (Jimmy Hopkins) ເດັກໜຸ່ມອາຍຸ 15 ປີ ໄດ້ຖືກສົ່ງໂຕມາທີ່ໂຮງຮຽນ ບູລເວິຣ໌ດ (Bullworth) ເຊິ່ງເປັນໂຮງຮຽນປະຈຳຂອງເອກກະຊົນທີ່ຕັ້ງຢູ່ໃນເມືອງນິວອິງແລນ ປະເທດສະຫະລັດອາເມຣິກາ, ຫຼັງຈາກທີ່ຈິມມີ້ໄປກໍ່ເລື່ອງຈົນຖືກໄລ່ອອກຈາກໂຮງຮຽນເກົ່າມາແລ້ວເຖິງ 7 ແຫ່ງດ້ວຍກັນ ແລະລາວກໍພົບວ່າໂຮງຮຽນແຫ່ງນີ້ອຸດົມໄປດ້ວຍສາລະພັດເດັກຂີ້ດື້ ບໍ່ວ່າຈະເປັນເດັກເຫຼືອຂໍແບບຈິມມີ້ທີ່ທຸກໆມື້ເອົາແຕ່ກວນນັກຮຽນຄົນອື່ນ ລວມເຖິງເດັກເນິຣ໌ດທີ່ມັກໝົກໂຕຢູ່ກັບຕຳລາຮຽນ ຫຼືເດັກໂຂ່ງທີ່ຊ້ຳຫ້ອງລົວໆມາເກືອບເຄິ່ງຊີວິດ ໄປຈົນຮອດເດັກຮາຣ໌ດຄໍຣ໌ບ້ານປ່າເມືອງເຖື່ອນແລະເດັກໄຮ້ດຽງສາທີ່ມັກຕົກເປັນເຫຍື່ອແບບຜູກຂາດ, ພໍໄດ້ມາພົບບູລເວິຣ໌ດມີສະພາບຢ່າງທີ່ເຫັນ ຈິມມີ້ຈຶ່ງມຸ່ງໝັ້ນຢາກຈະຄືນຄວາມສຸກແລະສ້າງສັນຕິສຸກໃຫ້ກັບໂຮງຮຽນ ເລີຍຕັ້ງໃຈຈະປ່ຽນແປງໂຕເອງມາເປັນເດັກຮັກດີ ພ້ອມກັບກຳຈັດເດັກອັນຕະພານໃຫ້ໝົດຈາກໂຮງຮຽນໄປ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: phonearena