ຕຳຫຼວດອິນໂດເນເຊຍເຜົາທຳລາຍຢາເສບຕິດຈຳນວນ 1 ພັນກິໂລກຣາມ(1ໂຕນ)ຢູ່ນະຄອນຫຼວງຈາກາຕາໃນວັນທີ 7 ທັນວາທີ່ຜ່ານມາ.
ອີງຕາມສໍານັກຂ່າວຕ່າງປະເທດລາຍງານວ່າ: ທ່ານ ວິໂດໂດ ຜູ້ນຳອິນໂດເນເຊຍພ້ອມດ້ວຍເຈົ້າໜ້າທີ່ລະດັບສູງ, ຕຳຫຼວດຢາເສບຕິດທີ່ຢຶດໄດ້ປະກອບມີ: ເມທແອມເຟຕາມິນຫຼືຢາບ້າເກືອບ 500 ກິໂລກຣາມ, ຢາອີ 190 ພັນເມັດ ແລະ ກັນຊາ 420 ກິໂລກຣາມ ກ່ອນທີ່ຈະນຳເຂົ້າສູ່ຂະບວນການເຜົາທຳລາຍໂດຍທ່ານ ວິໂດໂດ ກ່າວວ່າ: ບັນຫາຢາເສບຕິດຢູ່ອິນໂດເນເຊຍເປັນບັນຫາທີ່ຕ້ອງໄດ້ຮັບການແກ້ໄຂຢ່າງຮີບດ່ວນເພື່ອປົກປ້ອງຄົນຮຸ່ນໃໝ່ຂອງປະເທດ ແລະ ໃນທຸກໆປີ ເຍົາວະຊົນອິນໂດເນເຊຍຕ້ອງເສຍຊີວິດຈາກຢາເສບຕິດເຖິງ 15 ພັນຄົນຂະນະທີ່ມີຜູ້ລັກລອບຄ້າຢາເສຍຊີວິດພຽງບໍ່ທໍ່ໃດຄົນໃນແຕ່ລະປີ ສິ່ງນີ້ຈຶ່ງເປັນຫຼັກຖານທີ່ຕ້ອງມີການປະກາດສົງຄາມກັບຢາເສບຕິດໃນປະເທດ.
ສຳນັກງານປາບປາມາເສບຕິດຂອງອິນໂດເນເຊຍລະບຸວ່າເຈົ້າໜ້າທີ່ສາມາດຢຶດຢາບ້າໄດ້ເກືອບ 1 ພັນກິໂລກຣາມ, ກັນຊາ 3 ພັນກິໂລກຣາມ ແລະ ຢາອີ 6 ແສນເມັດໃນປີນີ້ ແລະ ຍັງມີການຍ້າຍຖານການຜະລິດຢາເສບຕິດອອກຈາກອິນໂດເນເຊຍໄປຍັງປະເທດທີ່ເປັນຈຸດລຳລຽງຢາເສບຕິດອື່ນແລ້ວ.
ຈາກໜັງສືພິມເສດຖະກິດ-ສັງຄົມ