ໂຊເຊ ມູຣິນໂຢ້ ຜູ້ຈັດການທີມ ແມນຢູ ລະບຸ ຕົນບໍ່ແມ່ນຜູ້ຈັດການທີມທີ່ເກັ່ງສຸດຂອງໂລກຕາມທີ່ ຍູຣິ ເວີນີດຸບ ນາຍໃຫຍ່ ຊອຣ໌ຍ່າ ເຊີດຊູ ພ້ອມເຜີຍຕົນພະຍາຍາມຮຽນຮູ້ຢູ່ສະເໝີ.
ໂຊເຊ ມູຣິນໂຢ້ ຜູ້ຈັດການທີມແມນຢູ ສອນໂມສອນໃຫຍ່ ພຣີເມຍລີກອັງກິດກ່າວວ່າຕົນບໍ່ເຖິງຂັ້ນເປັນຜູ້ຈັດການທີມທີ່ເກັ່ງທີ່ສຸດໃນໂລກເໝືອທີ່ ຍູຣິ ເວີນີດຸບ ຄູຝຶກ ຊອຣ໌ຢ່າ ຄູ່ແຂ່ງໃນເກມ ຢູຟາ ຢູໂຣ ປາລີກ ຮອບແບ່ງກຸ່ມ ກຸ່ມເອ ວັນພະຫັດທີ 8 ທັນວາ ຍົກຍ້ອງແຕ່ຢ່າງໃດ.
ເວີນີດຸບ ເວົ້າຍົກຍ້ອງ ມູຣິນໂຢ້ ຢ່າງຫຼວງຫຼາຍກ່ອນທີ່ພວກເຂົາຈະດວນກັນ ໂດຍທີ່ເຈົ້າຕົວລະບຸວ່າມັນນັບເປັນກຽດຢ່າງຫຼາຍທີ່ໄດພໍ້ໜ້າກັບຜູ້ຈັດການທີມຄົນ ປ໋ອກຕຸຍການ ແຖມຍັງບອກວ່ານາຍໃຫຍ່ແຫ່ງຖິ່ນ ໂອລ ແທຣ໌ຟອດເປັນຜູ້ຈັດການທີມຊັ້ນຍອດອີກຕ່າງຫາກ.
ມູຣິນໂຢ້ ເຜີຍວ່າ “ມັນຮູ້ສຶກດີທີ່ລາວເວົ້າແບບນັ້ນ ແຕ່ຂ້ອຍບໍ່ຄິດວ່າລາວເວົ້າຖືກດອກ ຂ້ອຍຄິດວ່າມັນມີຄົນແບບນັ້ນໃນຄວາມຄິດຂອງຂ້ອຍແລ້ວ ໂລກນີ້ບໍ່ມີໂຄດທີ່ເກັ່ງດອກ ທຸກລະດູການມີຄົນໜຶ່ງທີ່ໄດ້ລາງວັນຟີຟ້າ ໂກລເດັ້ນ ບານ ແຕ່ຂ້ອຍຄິດວ່ານັ້ນເຮັດໃຫ້ຄົນໆນັ້ນເປັນຄົນທີ່ເກັ່ງສຸດຕະຫຼອດການ ເຈົ້າຈະບອກວ່າຄົນໆນັ້ນເກັ່ງສຸດໃນປີນັ້ນແທນກໍໄດ້ ຂ້ອຍເຫັນນຳກັບເລື່ອງນັ້ນ ໃນທຸກປີມັນຈະມີເກມທີ່ສຳຄັນທີ່ສຸດ ດັ່ງນັ້ນທີ່ເຂົາເວົ້າຢ່າງນັ້ນມັນກໍເປັນແຕ່ການສະແດງໃຫ້ເຫັນວ່າເຂົາເປັນຄົນທີ່ນິໃສດີເທົ່ນັ້ນ”.
“ເຂົາໄດ້ຮຽນຮູ້ຈາກຂ້ອຍ ຄືຂ້ອຍໄດ້ຮຽນຮູ້ຈາກເຂົາ ຂ້ອຍພະຍາຍາມຮຽນຮູ້ຈາກທຸກເກມ ເມືອຂ້ອຍນຳທີມພົບກິບໃຜກໍຕາມແລ້ວ ຂ້ອຍຈະພະຍາຍາມສຶກສາທີມ,ອ່ານເກມລະຫວ່າງການແຂ່ງຂັນ ແລະ ຫຼັງຈົບເກມນຳ ຊຶ່ງເບິ່ງຄືວ່າງ່າຍກວ່າຫຼາຍ ຂ້ອຍພະຍາຍາມຮຽນຮູ້ສະເໝີ ດັງນັ້ນຖ້າເກີດມື້ອື່ນຂ້ອຍມີໂອກາດໄດ້ຮຽນຮູ້ຈາກເຂົາແລ້ວ ຂ້ອຍກໍຈະເຮັດແບບຊັ້ນ” ຜູ້ຈັດການທີມຄົນດັງເວົ້າ.
ຈາກໜັງສືພິມເສດຖະກິດ-ສັງຄົມ