ນັກຂ່າວທ້ອງຖິ່ນຂອງລາວໂພສຕ໌ ປະຈຳຫຼັກຊາວ ເມືອງຄຳເກີດ ແຂວງບໍລິຄຳໄຊ ໄດ້ລາຍງານຕໍ່ສຳນັກຂ່າວລາວໂພສຕ໌ ເຖິງຂ່າວລືເລື່ອງເດັກນ້ອຍແຝດໂຕຕິດກັນວ່າ ຕາມການກວດສອບຂໍ້ມູນເບື້ອງຕົ້ນຢືນຢັນວ່າ ກໍລະນີດັ່ງກ່າວນັ້ນເປັນເລື່ອງຈິງ.
ນັກຂ່າວລາຍງານວ່າ ຕອນແລງວັນທີ 7 ທັນວາ 2016 ນີ້ ເວລາປະມານ 17:00 ໂມງ ຢູ່ທີ່ໂຮງໝໍຫຼັກຊາວ ເມືອງຄຳເກີດ ແຂວງບໍລິໄຊ ໜ່ວຍຜ່າຕັດທີ່ນຳໂດຍ ທ່ານ ດຣ ທະນູສັກ ໄຊພັກດີ ຫົວໜ້າຊຸດຜ່າຕັດ ໄດ້ນຳພາທີມຜ່າຕັດຂອງໂຮງໝໍດັ່ງກ່າວ ຊ່ວຍຜ່າຕັດຊ່ວຍເກີດໃຫ້ແກ່ ແມ່ມານຖືພາລູກແຝດຜູ້ໜຶ່ງ ເຊິ່ງພາຍຫຼັງຜ່າເຂົ້າອອກມາກໍພົບວ່າເປັນແຝດໂຕຕິດກັນ ເຊິ່ງເບື້ອງຕົ້ນລາຍງານວ່າເດັກນ້ອຍໂຕຕິດກັນປອດໄພດີ ແລະກໍລະນີດັ່ງກ່າວນີ້ຖືວ່າເປັນກໍລະນີທຳອິດຂອງລາວ.
ແນວໃດກໍຕາມ, ລາຍລະອຽດຂອງຂ່າວ ສຳນັກຂ່າວລາວໂພສຕ໌ຈະອັບເດດເພີ່ມເຕີມຕື່ມອີກ ພາຍຫຼັງສຳພາດທ່ານໝໍຈາກຫົວໜ້າທີມຜ່າຕັດໃນມື້ອື່ນນີ້.