ຢ່າງທີ່ເຮົາເຄີຍລົງຂ່າວໄປກ່ອນໜ້ານີ້ວ່າກາຕູນແນວຕະຫຼົກບ້າໆແບບເລື່ອງ Gintama ທີ່ເປັນຜົນງານຂອງອາຈານ Sorachi Hideaki ທີ່ຫຼ້າສຸດວາລະສານ Shonen Jump ສະບັບທີ 31 ໄດ້ລົງປະກາດວ່າກາຕູນເລື່ອງ Gintama ກຳລັງຈະຖືກສ້າງເປັນຮູບເງົາ Live-Action ຄົນສະແດງແທ້ແລ້ວ!!
ເຊິ່ງໃນຕອນນີ້ກໍໄດ້ປະກາດນັກສະແດງຜູ້ຮັບບົດເປັນ Sakata Gintoki ພະເອກສຸດມົ້ວຂອງເລື່ອງແລ້ວນັ້ນກໍຄື: Oguri Shun ນັກສະແດງໜຸ່ມຫຼ່ໍຜູ້ເຄີຍຝາກຜົນງານຮູບເງົາ Live-Action ມາແບບແບບ Lupin III ແລະ Terraformars ແລະເມື່ອວັນຈັນທີ່ຜ່ານມານີ້ກໍຍັງໄດ້ມີການປະກາດນັກສະແດງທີ່ຈະມາຮັບບົດເປັນໂຕລະຄອນຕ່າງໆໃນເລື່ອງແລ້ວ. ໃນສ່ວນຂອງຜູ້ກຳກັບກໍໄດ້ທ່ານ Fukuda Yuuichi ຜູ້ກຳກັບຈາກຮູບເງົາແອັກຊັ່ນຕະຫຼົກແບບເສື່ອມໆຄື: Hentai Kamen ເວົ້າໄດ້ວ່າຕັ້ງຄວາມຫວັງໃນເລື່ອງຄວາມຕະຫຼົກໄວ້ໄດ້ເລີຍເພາະມັນຕ້ອງຈັດເຕັມກັນແນ່ນອນ, ສຳລັບຮູບເງົາ Gintama Live-Action ມີກຳນົດເຂົ້າສາຍໃນປີ 2017 ນີ້.
ດ້ານລຸ່ມນີ້ຈະເປັນນັກສະແດງທີ່ຮັບບົດເປັນໂຕລະຄອນຕ່າງໆໃນເລື່ອງ
Shun Oguri ສະແດງເປັນ Gintoki Sakata
Masaki Suda ສະແດງເປັນ Shinpachi Shimura
Kanna Hashimoto ສະແດງເປັນ Kagura
Masami Nagasawa ສະແດງເປັນ Tae Shimura
Masaki Okada ສະແດງເປັນ Kotaro Katsura
Tsuyoshi Muro ສະແດງເປັນ Gengai Hiraga
Yuuya Yagira ສະແດງເປັນ Toshiro Hijikata
Ryo Yoshizawa ສະແດງເປັນ Sougo Okita
Kankurō Nakamura VI ສະແດງເປັນ Isao Kondo
Hirofumi Arai ສະແດງເປັນ Nizō Okada
Jiro Sato ສະແດງເປັນ Henpeita Takechi
Nanao ສະແດງເປັນ Matako Kijima
Ken Yasuda ສະແດງເປັນ Tetsuya Murata
Akari Hayami ສະແດງເປັນ Tetsuko Murata
Tsuyoshi Domoto ສະແດງເປັນ Shinsuke Takasugi
Gintama ສະບັບມັງງະແມ່ນຖືກຕີພິມໂດຍວາລະສານລາຍອາທິດຊື່ດັງອັນດັບໜຶ່ງຂອງຍີ່ປຸ່ນຄື Shonen Jump ວ່າດ້ວຍເລື່ອງລາວຂອງບຸລຸດຜູ້ໜຶ່ງນາມວ່າ Sakata Gintoki ທີ່ເຮັດອາຊີບຮັບຈ້າງອິດສະຫຼະພ້ອມດ້ວຍ Shimura Shinpachi ແລະ Kagura ເພື່ອຫາເງິນມາລ້ຽງຊີບໃນຍຸກທີ່ຊາມູໄຣຕົກຕ່ຳ ເນື່ອງຈາກການຮຸກຮານຂອງມະນຸດຕ່າງດາວຫຼືທີ່ເອີ້ນກັນວ່າ “ຊາວສະຫວັນ” ເນື້ອເລື່ອງແມ່ນເປັນການປະສົມປະສານລະຫວ່າງແນວຍ້ອນຍຸກແລະວິທະຍາສາດ ລັກສະນະຂອງເລື່ອງຈະເປັນແນວຕະຫຼົກໆສ່ວນໃຫຍ່ ແລະປະສົມເຂົ້າກັບສາກແອັກຊັ່ນສຸດມັນ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station