ຄວາມຮັກ…ບໍ່ມີສູດຕາຍຕົວ ແລະຮຽນແບບກັນບໍ່ໄດ້ ບາງຄັ້ງຕ້ອງເຂົ້າໃຈວ່າ ສິ່ງທີ່ເຈົ້າຢາກໄດ້ ແຕ່ອາດຈະບໍ່ແມ່ນສິ່ງທີ່ເຂົາເປັນຢູ່ ກົງກັນຂ້າມສິ່ງທີ່ເຂົາປາຖະໜາ ແຕ່ກໍອາດຈະບໍ່ແມ່ນສິ່ງທີ່ເຈົ້າເປັນຢູ່ເຊັນກັນ ຖ້າເປັນແບບນີ້ຫຼາຍຄູ່ກໍມັກຈະຫາເຫດຜົນທີ່ເຫັນແກ່ໂຕວ່າ ເຮົາເຂົ້າກັນບໍ່ໄດ້ ແລະຜົນສຸດທ້າຍກໍຕ້ອງເລີກລາກັນໄປ ແຕ່ຖ້າຕ່າງຝ່າຍຮູ້, ເຫັນ ແລະຍອມຮັບຄວາມແຕກຕ່າງເຊິ່ງກັນ ແລະກັນ ທີ່ບໍ່ແມ່ນສິ່ງທີ່ຫາກໍ່ສ້າງຂຶ້ນມາໃນມື້ນີ້ມື້ວານໄດ້ ກໍຈະພິສູດໃຫ້ສານໃຈເຫັນວ່າ ຂ້ອຍຮັກເຈົ້າ ຫຼືວ່າເຈົ້າຮັກຂ້ອຍທີ່ເຄີຍກ່າວຕໍ່ກັນໃນວັນທີ່ຜ່ານໆມານັ້ນ ບໍ່ແມ່ນເກີດຈາກອາລົມຊົ່ວວູບ ຫາກແມ່ນຄວາມຈິງຈັງຈິງໃຈ ແລະຫວັງຄູ່ຄຽງກັນຈົນກວ່າອີກຝ່າຍຈະຈາກໄປຕາມກົດອະນິດຈັງ.