ການເຈັບທ້ອງປະຈໍາເດືອນເກີດມາຈາກຫຼາຍສາເຫດເຊັ່ນ: ການກິນອາຫານຜິດປົກກະຕິ, ໂລຫິດຈາງ, ຄວາມຜິດປົກກະຕິຂອງມົດລູກ ແລະຫຼາຍຄົນກໍເລືອກທີ່ຈະກິນຢາປິ່ນປົວ ແຕ່ເຮົາສາມາດກິນສະໝູນໄພ ເພື່ອປິ່ນປົວໃຫ້ດີເຈັບໄດ້ ຊຶ່ງສະໝູນໄພທີ່ຊ່ວຍປິ່ນປົວເຈັບທ້ອງປະຈໍາເດືອນມີດັ່ງນີ້:
- ຜັກຫອມລາບ: ເອົາຜັກຫອມລາບແຫ້ງມາບົດໃຫ້ເປັນຝຸ່ນ ແລ້ວມາປະສົມກັບນໍ້າເຜີ້ງ 1 ບ່ວງຊາ ກິນວັນລະ 3 ຄັ້ງ ຫຼືຊົງດື່ມຮ້ອນໆ ຈະຊ່ວຍບັນເທົາອາການເຈັບປວດໄດ້
- ຂີ້ມິ້ນ: ໂດຍນໍ້າຂີ້ມິ້ນມາຊົງກັບນໍ້າຮ້ອນດື່ມ ແລະການທີ່ດື່ມນໍ້າຂີ້ມິ້ນເປັນປະຈໍາຍັງຊ່ວຍບໍາລຸງມົດລູກ ແລະຫຼຸດການອັກເສບເວລາເປັນຮອບເດືອນ.
- ວ້ານຫາງແຂ້: ເອົາວຸ້ນຂອງວ້ານຫາງແຂ້ມາປະສົມກັບນໍ້າເຜີ້ງ ດື່ມທຸກວັນຫຼັງອາຫານເຊົ້າ ກໍຈະເຮັດໃຫ້ການຕົກໄຂ່ເປັນປົກກະຕິ
- ແກ່ນຂອງຜັກຫອມປ້ອມ: ເອົາມາຕົ້ມໃນຊ່ວງທີ່ເປັນຮອບເດືອນ ດື່ມວັນລະ 3 ຄັ້ງ ແຕ່ສໍາຫຼັບຄົນທີ່ເປັນພະຍາດໝາກໄຂ່ຫຼັງ ຄວນຫຼີກລ່ຽງວິທີນີ້ ເພາະແກ່ນຜັກຊະນິດນີ້ມີໂພແທກຊຽມສູງ
- ຂີງ: ເອົາຂີງສົດໄປຕົ້ມ ແລ້ວດື່ມ 3 ເວລາຫຼັງອາຫານ.