ຕາມຂ່າວສານຊິນຮວາເມື່ອວັນທີ 4 ທັນວາທີ່ຜ່ານມາ ໄດ້ຈັດພິທີຊາປະນະກິດສົບທ່ານ ຟີແດນ ກັສໂຕຣ ຜູ້ນຳການປະຕິວັດຂອງກູບາຢູ່ສຸສານຊັນທາອີຟິເກເນຍ ເມືອງ ຊັນຕີໂກ ເຊິ່ງເປັນເມືອງໃຫຍ່ອັນດັບສອງຂອງກູບາ, ຂະນະທີ່ໄລຍະໄວ້ອາໄລລະດັບຊາດ 9 ວັນກໍ່ໄດ້ສິ້ນສຸດລົງໃນມື້ດຽວກັນ.
ພາຍຫຼັງລົດໄດ້ນຳໂລງສົບທ່ານຟີແດນ ກັສໂຕຣ ເດີນທາງຮອດສຸສານແລ້ວ, ຍາດຕິພີ່ນ້ອງຂອງ ທ່ານ ຟີແດນ ກັສໂຕຣ ໄດ້ຈັດພິທີຊາປະນະກິດສົບສ່ວນຕົວ ໂດຍບໍ່ໄດ້ເປີດປະຕູຕໍ່ພາຍນອກ.
ເຖິງວ່າເວລາຈັດພິທີຊາປະນະກິດສົບຈະເປັນຕອນເຊົ້າໆ ແຕ່ຢູ່ຕາມທາງ ຍັງເຕັມໄປດ້ວຍປະຊາຊົນທີ່ມາສົ່ງ ທ່ານ ຟີແດນ ກັສໂຕຣ ເຊິ່ງມີປະຊາຊົນຈຳນວນບໍ່ໜ້ອຍທີ່ໄດ້ເຂົ້າຮ່ວມໂຮມຊຸມນຸມທີ່ຈັດຂຶ້ນໃນຕອນຄ່ຳຄືນມື້ກ່ອນ ແລ້ວໄດ້ນອນຢູ່ສະໜາມຫຼວງເຖິງຕອນເຊົ້າມື້ລຸນມາ ກໍມາສົ່ງທ່ານກັສໂຕຣເປັນຄັ້ງສຸດທ້າຍ.
ທ່ານ ຟີແດນ ກັສໂຕຣ ໄດ້ເຖິງແກ່ມໍລະນະກຳຢູ່ນະຄອນຫຼວງລາຮາວານໃນຕອນຄ່ຳວັນທີ 25 ພະຈິກ ລວມມີອາຍຸ 90 ປີ.
ຂ່າວຈາກ: ABC Laos news ສຳນັກຂ່າວເອບີຊີລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!