ທາງການຈີນສັ່ງໃຫ້ມີການສອບສວນອະດີດຫົວໜ້າຄວາມໝັ້ນຄົງ ໃນຂໍ້ຫາສົງໄສລະເມີດວິໄນຮ້າຍແຮງ
ຕາມທີ່ຖືກຮຽກຮ້ອງໃນສື່ສັງຄົມອອນລາຍຂອງຈີນ.
ສື່ຕ່າງປະເທດລາຍງານວ່າ ທາງການຈີນສັ່ງສອບສວນທ່ານ Zhou Yongkang ອະດີດຫົວໜ້າດ້ານສະຖາ
ບັນຕຳຫຼວດ ແລະ ຄວາມໝັ້ນຄົງຂອງປະເທດ ທີ່ຕົກເປັນຜູ້ຕ້ອງສົງໄສລະເມີດວິໄນຮ້າຍແຮງ ກ່ຽວກັບ
ການກວາດລ້າງຜູ້ກະທຳຜິດ ຕະຫຼອດເວລາການເຮັດວຽກຂອງເຂົາ ກ່ອນທີ່ຈະກະສຽນອອກຮັບບຳນານ
ເມື່ອປີ 2012 ທີ່ຜ່ານມາ.
ໂດຍການສອບສວນນີ້ ມີຂຶ້ນຫຼັງການໄດ້ຮັບໜັງສືຮ້ອງຮຽນຈາກສື່ສັງຄົມອອນລາຍຂອງຈີນ ທີ່ມີການ
ເຄື່ອນໄຫວຂໍໃຫ້ກວດສອບບຸກຄົນທີ່ມີຊື່ສຽງຄົນດັ່ງກ່າວ ເມື່ອເດືອນທີ່ຜ່ານມາ.
ຢ່າງໃດກໍຕາມ ທ່ານ Zhou Yongkang ຈະກາຍເປັນຜູ້ທີ່ມີຕຳແໜ່ງສູງສຸດ ທີ່ຖືກກ່າວຫາກ່ຽວກັບການ
ສໍ້ລາດບັງຫຼວງຢ່າງເປັນທາງການ ໃນປະຫວັດສາດຂອງຈີນ.