ກົນໄກການບໍລິຫານງານລັດໃຫ້ຮັດກຸມໂປ່ງໃສວ່ອງໄວ ແລະເນັ້ນໃສ່ປະສິດທິ ພາບປະສິດທິຜົນຂອງການບໍລິຫານ ໂດຍສະເພາະການຈັດຕັ້ງປະຕິແຜນພັດທະນາເສດຖະກິດ-ສັງຄົມສົກປີ 2017 ໃຫ້ປະສົບຜົນປະສົບຜົນສໍາເລັດ, ລັດຈຶ່ງໄດ້ສະເໜີ 10 ມາດຕະການຕົ້ນຕໍທີ່ຈະໄດ້ຕັ້ງປະຕິບັດມີດັ່ງລຸ່ມນີ້.

ວັນທຳອິດແມ່ນລັດຈະຄຸ້ມຄອງເສດຖະກິດມະຫາພາກໃຫ້ມີຄວາມສະຖຽນລະພາບ ແລະໝັ້ນທ່ຽງໂດຍຊຸກຍູ້ໃຫ້ບັນດາຂະແໜງການ ທີ່ຮັບຜິດຊອບໃນແຕ່ລະຂົງເຂດວຽກງານປະສານ  ແລະປະສານສົມທົບກັນຢ່າງໃກ້ຊິດເພື່ອປັບປຸງສ້າງນະໂຍບາຍ ແລະນິຕິກໍາໃຫ້ ສອດຄ່ອງກົມກຽວ ແລະຈັດຕັ້ງປະຕິບັດໃຫ້ມີປະສິດທິຜົນເພື່ອຮັບປະກັນໃຫ້ເສດຖະກິດຂະຫຍາຍຕົວໃນລະດັບບໍ່ຫຼຸດ 7%.

2. ສຶບຕໍ່ປັບປຸງການຄຸ້ມຄອງ ລະບົບການເງິນ-ງົບປະມານຢ່າງ ແຂວງແຮງແນໃສ່ແກ້ໄຂສະພາບຄວາມຫຍຸ້ງຍາກງົບປະມານໂດຍ ປະຕິຮູບກົນໄກເກັບລາຍຮັບໃຫ້ເຂົ້າສູ່ລະບົບທັນສະໄໝໂປ່ງໃສເສີມສ້າງຖານລາຍຮັບໃຫ້ໝັ້ນຄົງກວ້າງຂວາງຫຼາຍຂຶ້ນ, ພ້ອມທັງ ຕິດຕາມກວດກາ ແລະປັບປຸງກົນໄກການປະຕິບັດແຜນງົບປະມານ ແລະແຜນລາຍຈ່າຍໃຫ້ມີປະສິດທິຜົນປະຕິບັດມາດຕະການຕ້ານ ການຟຸມເຟືອຍທີ່ລັດຖະບານຈະອອກຄໍາສັ່ງໃໝ່ເພື່ອຈັດຕັ້ງປະຕິບັດບັນດາດຳລັດນາຍົກລັດຖະມົນຕີວ່າດ້ວຍການປະຢັດ ແລະ ຕ້ານການຟຸມເຟືອຍສະບັບເລກທີ 78ລບ ລົງວັນທີ 10 ມີນາ 2015 ໃຫ້ປາກົດຜົນເປັນຈິງ.
3. ຄຸ້ມຄອງເງິນຕາໃຫ້ມີສະຖຽນລະພາບໂດຍສືບຕໍ່ປະຕິບັດ ນະໂຍບາຍດອກເບ້ຍຕາມກົນໄກຕະຫຼາດທີ່ມີການຄຸ້ມຄອງຂອງລັດ, ສືບຕໍ່ຄຸ້ມຄອງການກຳນົດອັດຕາດອກເບ້ຍເງິນຝາກ ແລະເງິນກູ້ທະນາຄານທຸລະກິດໃຫ້ເໝາະສົມ ແລະເອື້ອອໍານວຍໃຫ້ແກ່ການຊຸກຍູ້ສົ່ງເສີມການຜະລິດ ແລະການເຄື່ອນໄຫວທຸລະກິດ.
4. ປັບປຸງສະພາບແວດລ້ອມໃນການດໍາເນີນທຸລະກິດເພື່ອສົ່ງເສີມການລົງທຶນທັງພາຍໃນ ແລະຕ່າງປະເທດໂດຍເອົາໃຈໃສ່ແກ້ໄຂຂັ້ນຕອນ ແລະຂອດຕ່າງໆທີ່ບໍ່ສະດວກທີ່ເປັນການກົດໜ່ວງສ້າງຄວາມຫຍຸ້ງຍາກທັງເປັນການເພີ່ມຕົ້ນທຶນໃຫ້ແກ່ການດໍາເນີນທຸລະກິດ.
5. ຊຸກຍູ້ສົ່ງເສີມການຜະລິດ ແລະການບໍລິການ ໂດຍສຸມໃສ່ການຜະລິດສິນຄ້າເພື່ອຊົມໃຊ້ພາຍໃນ ແລະຫຼຸດຜ່ອນການນໍາເຂົ້າພ້ອມ ທັງມີຈຸດສຸມໃນການຊຸກຍູ້ຊ່ວຍເຫຼືອການຜະລິດເພື່ອສົ່ງອອກ.
6. ສືບຕໍ່ສຸມໃສ່ການພັດທະນາທາງດ້ານວັດທະນະທໍາສັງຄົມ ແລະແກ້ໄຂຄວາມທຸກຍາກ ໂດຍເອົາໃຈໃສ່ວຽກງານຍຸກສູງຄຸນນະພາບການສືກສາ ແລະສາທາລະນະສຸກໃຫ້ທົ່ວເຖິງທັງຢູ່ສູນກາງ ແລະເຂດຊົນນະບົດຮ່າງໄກສອກຫຼີກ.
7. ຄົ້ນຄວ້າຜັນຂະຫຍາຍ ແລະຈັດຕັ້ງປະຕິບັດເປົ້າໝາຍການພັດທະນາແບບຍືນຍົງໃຫ້ເປັນຄາດໝາຍເປັນແຜນງານ ແລະເປັນໂຄງ ການລະອຽດຂອງ ແຕ່ລະຂະແໜງການເພື່ອຮັບປະກັນການຈັດຕັ້ງປະຕິບັດໃຫ້ມີປະສິດທິຜົນ.
8. ການບໍລິຫານລັດການເຄື່ອນໄຫວຂອງຜູ້ປະກອບການຕ້ອງເອົາເຂົ້າລະບຽບກົດໝາຍຢ່າງເຄັ່ງຂັດຕ້ານປາກົດການຫຍໍ້ທໍ້ພະຍາດ ອາດຍາສິດຕ້ານການສໍ້ລາດບັງຫຼວງໃຫ້ເປັນຮູບປະທໍາ.
9. ສະເໜີສະພາແຫ່ງຊາດ ແລະສະພາທ້ອງຖິ່ນສະໜັບສະໝູນຊ່ວຍເຫຼືອທາງດ້ານການຕິດຕາມກວດກາການປັບປຸງນິຕິກໍາຕ່າງໆທີ່ເຫັນວ່າບໍ່ສອດຄ່ອງນັ້ນ ໃຫ້ວ່ອງໄວທັນກັບຄວາມຮຽກຮ້ອງຕ້ອງການ.
10. ສ້າງສະພາບແວດລ້ອມ ໃຫ້ແກ່ການພັດທະນາແກ້ໄຂບັນຫາຫຍຸ້ງຍາກທາງດ້ານເສດຖະກິດ ເພື່ອຮັບປະກັນສະຖຽນລະພາບທາງດ້ານການເມືອງຄວາມເປັນລະບຽບຮຽບຮ້ອຍທາງດ້ານສັງຄົມໄປພ້ອມກັບການສ້າງສະພາບແວດລ້ອມທີ່ດີ ແລະສະເໝີຕົ້ນສະເໝີປາຍກັບເພື່ອນມິດສາກົນປະຕິບັດນະໂຍບາຍເພີ່ມມິດຫຼຸດຜ່ອນສັດຕູປະຕິບັດນະໂຍບາຍການທູດປ້ອງກັນເຫດບຸກທະລຸເພື່ອພາລະກິດປົກປັກຮັກສາ ແລະພັດທະນາປະເທດຊາດ.